Две лица со автомобил се обиделе да прегазат полицајци во Чегране

Три лица биле лишени од слобода во гостиварското село Чегране откако полицијата пронашла бела прашкаста материја во возило и во домот на едно од нив, а други двајца се обиделе да ги прегазат полициските службеници.

— реклама —

Според информациите од МВР, на 12 ноември во 20:35 часот бил приведен 26-годишниот Х. С. од Чегране. При преглед на возилото „мицубиши“ со кое управувал била пронајдена и одземена бела прашкаста материја. Со судска наредба подоцна бил извршен и претрес во неговиот дом, каде што повторно била пронајдена истата материја.

— реклама —

— реклама —

Додека полицијата ги преземала службените дејствија пред домот, со возило „бмв“ пристигнале 24-годишниот В. Ч. и 35-годишниот А. Н., двајцата од Чегране. Според МВР, тие се обиделе да ги прегазат полициските службеници и им се заканувале по животот, по што побегнале. Набргу биле пронајдени и лишени од слобода.

— реклама —

По целосното документирање на случајот, ќе следуваат соодветни пријави.