Полициски службеници од СВР Тетово вчера попладне лишиле од слобода 16-годишник од Тетово, кој се сомничи дека извршил повеќе кражби во верски објекти.
Според информациите од Министерството за внатрешни работи, малолетникот бил приведен на 5 јули околу 13:20 часот на улицата „Илинденска“ во Тетово.
Тој е осомничен за сторени кривични дела „кражба“ и „тешка кражба“, извршени во текот на минатиот месец во црквата во селото Брвеница и во две џамии на подрачјето на Тетово.
Од МВР информираат дека по целосното документирање на случајот против него ќе биде поднесен соодветен поднесок.
