Седумнаесетгодишник од тетовското село Порој бил лишен од слобода откако со возило се обидел да избега од полициска контрола и удрил во службено полициско возило, информираат од Министерството за внатрешни работи.
Според МВР, во периодот меѓу 03:00 и 04:00 часот на улицата „Ѓоце Стојчевски“ во Тетово, полициски службеници забележале патничко возило „џип“ со битолски регистарски ознаки кое се движело во спротивна насока.
Возачот не застанал на дадениот знак за запирање, туку со голема брзина го свртел возилото и продолжил да бега низ повеќе улици во Тетово.
При обидот да биде запрен, на паркинг простор на улицата „Илинденска“ со службено возило „Шкода Јети“ му бил попречен патот, по што возачот го свртел возилото и удрил во полициското возило.
По извршените проверки било утврдено дека возилото го управувал 17-годишник од село Порој, кој не поседувал возачка дозвола.
Во присуство на родител и адвокат со малолетникот бил извршен службен разговор, а возилото било одземено.
Од МВР информираат дека по целосно документирање на случајот против него ќе биде поднесена соодветна пријава.
