Малолетник со мопед удрил пешак во Гевгелија, две лица тешко повредени

Две лица се здобиле со тешки телесни повреди во сообраќајна несреќа што се случила синоќа на булеварот „Гевгелија“ во Гевгелија, информира Министерството за внатрешни работи.

— реклама —

Според полицијата, несреќата била пријавена во 22:45 часот, кога мопед со гевгелиски регистарски ознаки, управуван од 16-годишен малолетник од Гевгелија, удрил во пешакот В.С. (57) од Гевгелија.

— реклама —

Во несреќата со тешки телесни повреди се здобиле пешакот и 17-годишен сопатник на мопедот од селото Моин, гевгелиско.

— реклама —

Повредите биле констатирани во Медицинскиот центар во Гевгелија, каде што повредените биле пренесени за укажување лекарска помош.

Увид на местото на несреќата извршила екипа од Одделението за внатрешни работи Гевгелија, а се работи на утврдување на причините и околностите под кои се случил настанот.