Манасиевски по кривичната пријава од СДСМ: „Наместо одговор, решија да се занимаваат со тоа од каде сум ги добил информациите“

Портпаролот на ВМРО-ДПМНЕ, Валентин Манасиевски, реагираше откако СДСМ денеска поднесе кривична пријава против него, тврдејќи дека партијата наместо да одговори на изнесените информации, се фокусирала на начинот на кој тие биле обезбедени.

— реклама —

Манасиевски посочува дека СДСМ, според него, не ги демантирало информациите што ги објавил за лицата кои партијата ги претставувала како „млади активисти“.

Тој тврди дека информациите ги добил од лица кои ги опишува како свиркачи од СДСМ и нагласува дека како партиски портпарол нема пристап до полициски системи и не побарал од ниту едно службено лице да прекрши закон.

— реклама —

„Наместо одговор на тоа, решија да се занимаваат со тоа од каде сум ги добил информациите“, вели Манасиевски, прашувајќи зошто СДСМ не ги демантира фактите што ги објавил.

— реклама —

Тој воедно ги отфрла обвинувањата дека имал пристап до полициски податоци и повторува дека неговата улога е, како што вели, да го штити јавниот интерес.

Манасиевски оценува дека кривичната пријава нема да го спречи да продолжи со јавно изнесување информации за кои смета дека граѓаните треба да знаат.

— реклама —

„Кривична пријава не е пресуда. А мене кривични пријави нема да ме замолчат да ја говорам вистината“, порача тој.