(Видео) Манасиевски: Пендаровски призна дека објектот во Влае е на неговиот близок соработник Еролд Муслиу

Портпаролот на партијата, Валентин Манасиевски, на прес-конференција побара од надлежните институции да го испитаат потеклото на средствата со кои се гради објект во скопската населба Влае, за кој тврди дека е во сопственост на Еролд Муслиу, поранешен директор на Агенцијата за разузнавање.

— реклама —

Манасиевски изјави дека поранешниот претседател Стево Пендаровски признал оти објектот му припаѓа на негов близок соработник. Муслиу, како што посочи Манасиевски, бил назначен на функцијата директор од Пендаровски.

Од ВМРО-ДПМНЕ поставуваат прашања за потеклото на средствата вложени во изградбата, оценувајќи дека треба да се утврди дали пријавените семејни приходи на Муслиу можат да го оправдаат капиталот и дали постои евентуален судир на интереси.

— реклама —

„Од каде му се милионите за изградба на зградата во Влае?“, праша Манасиевски, повикувајќи на транспарентност и објавување на потребната документација.

— реклама —

Тој упати повик до Јавното обвинителство да постапи по допрен глас и да го истражи случајот, како и до надлежните институции да го испитаат потеклото на средствата и евентуалните судири на интереси.

Манасиевски изнесе и политички обвинувања за СДСМ и нејзините поранешни функционери, тврдејќи дека по заминувањето од функциите започнале бизниси и градежни активности.

— реклама —