Марихуана во Скопје, прашкаста материја во Велес и бела грутчеста материја во Кавадарци – 11 лица приведени

Единаесет лица биле лишени од слобода во Скопје, Велес и Кавадарци во текот на 14 и 15 октомври, откако полицијата при прегледи и контрола на возило кај нив пронашла и одзела различни материи за кои постои сомнение дека се дрога, соопшти Министерството за внатрешни работи.

— реклама —

Во Скопје, полициски службеници од СВР Скопје ги лишиле од слобода Ф.Н. (45), Д.Б. (44), А.З. (30), М.И. (20) и Т.С. (24), сите од Скопје, како и Б.Б. (24) од Велес, Д.Г. (18) од Злетово и К.А. (22), кој престојувал во Скопје. Кај нив била пронајдена и одземена марихуана.

— реклама —

Во Велес, на 14 октомври во 11:45 часот, полициски службеници го лишиле од слобода Б.А. (45) од градот, откако при преглед кај него била пронајдена и одземена кафеава прашкаста материја.

Приведувања имало и во Кавадарци. На 14 октомври, во 23:50 часот, на улицата „Цветан Димов“, полициски службеници од ОВР Кавадарци ги лишиле од слобода М.Д. (21) од Кавадарци и Љ.С. (23) од Росоман.

— реклама —

При контролата на патничко возило „фолксваген поло“ со кавадаречки регистарски ознаки, кое го управувал М.Д., а во кое се превезувал и Љ.С., била пронајдена и одземена бела грутчеста материја.

Од МВР информираат дека по целосното документирање на случаите ќе следуваат соодветни поднесоци.