Марихуана и амфетамин пронајдени во дом на скопјанец

Основното јавно обвинителство Скопје отвори истрага против 49-годишен скопјанец, осомничен за неовластено производство и пуштање во промет наркотични дроги, психотропни супстанции и прекурсори.

— реклама —

При претрес во подрумска просторија во Аеродром што ја користел осомничениот, полицијата пронашла 108,61 грама марихуана, 66,9 грама амфетамин и 210,5 милилитри метадон.

— реклама —

— реклама —

Дополнително, биле запленети пари за кои постои сомнение дека потекнуваат од нелегална трговија со дрога, како и две дигитални ваги со траги од амфетамин, кокаин и марихуана.

Надлежниот јавен обвинител до Основниот кривичен суд Скопје доставил предлог за определување притвор, поради опасност од бегство и можност осомничениот да продолжи со продажба на дрога.