Марихуана и други наркотични материи откриени кај 12 лица, следуваат пријави

Во текот на изминатото деноноќие, полициски службеници на повеќе локации низ државата лишиле од слобода 12 лица, откако при преглед кај нив била пронајдена дрога, соопшти Министерството за внатрешни работи.

— реклама —

Во Скопје биле приведени пет лица – четворица скопјани на возраст од 23 до 41 година и едно лице од село Долно Количани. Кај нив биле пронајдени и одземени бела прашкаста и грутчеста материја, како и марихуана.

— реклама —

Во Стар Дојран, во три одделни случаи, полицијата привела три лица. Кај едно лице од Струга била пронајдена марихуана, додека при контрола на возило управувано од скопјанец биле откриени марихуана и грутчеста материја. Подоцна, кај жител на валандовското село Раброво била пронајдена бела грутчеста материја.

Во Битола, полициски службеници привеле две лица, откако при преглед кај едниот од нив била пронајдена марихуана.

— реклама —

Во ресенското село Долно Дупени, при контрола на патничко возило, полицијата привела две лица, бидејќи во автомобилот била откриена марихуана.

— реклама —

Од МВР информираат дека по целосното документирање на сите случаи, против приведените ќе бидат поднесени соодветни пријави.