Марихуана и прашкасти материи пронајдени во Скопје, Тетово и Битола

Во повеќе одвоени акции спроведени од полициските служби низ државата, приведени се неколку лица поради поседување и трговија со наркотични супстанци, а запленети се марихуана и прашкасти материи.

— реклама —

Во Скопје, полициски службеници од СВР Скопје ги лишиле од слобода И.П. (22) од Скопје и К.Т. (32), државјанин на Германија, откако кај нив биле пронајдени и одземени прашкаста материја и марихуана. По целосно документирање на случајот ќе следуваат соодветни поднесоци.

— реклама —

СВР Штип, пак, поднесе кривична пријава против Ш.И. (55) од Штип поради сомнение за сторени кривични дела „неовластено производство и пуштање во промет на наркотични дроги, психотропни супстанци и прекурзори“ и „овозможување употреба на наркотични дроги“. Според полицијата, во декември 2025 година тој во својот дом на две лица им овозможил користење марихуана, а при претрес кај него била пронајдена и дополнителна количина од дрогата.

Во Тетово, на улицата „Видое Смилевски-Бато“, бил приведен Е.С. (21) од село Желино, кај кого биле пронајдени марихуана и бела прашкаста материја. Тој е задржан во полициска станица до расчистување на случајот.

— реклама —

Полициски службеници од СВР Битола, пак, во паркот „Стив Наумов“ го лишиле од слобода Н.Ш. (30) од Битола, откако кај него била пронајдена и одземена марихуана.

— реклама —

Од Министерството за внатрешни работи информираат дека по целосното документирање на сите случаи ќе бидат поднесени соодветни пријави против инволвираните лица.