Oсновното јавно обвинителство во Белград го сослуша В. Ј. (46), кој е осомничен дека во периодот од април 2022 година до мај годинава со измама довел во заблуда 35 лица и противправно стекнал имотна корист во износ од 2.205.010 динари.
Според наводите на обвинителството, оштетените лица уплаќале пари на сметки на правно и физичко лице за набавка на клима-уреди, верувајќи дека уредите ќе им бидат испорачани и монтирани. Сепак, осомничениот не ги испорачал клима-уредите, ниту пак им ги вратил уплатените средства.
Осомничениот на сослушувањето ја изнел својата одбрана, по што до судијата за претходна постапка на основниот суд во Белград бил поднесен предлог за определување мерка притвор.
Обвинителството побарало притвор поради опасност од бегство, можност за влијание врз сведоци, како и опасност од уништување, прикривање или измена на доказите. Како дополнителна причина е наведена и опасноста осомничениот во краток рок да го повтори кривичното дело.
Од обвинителството упатија повик до граѓаните кои сметаат дека биле оштетени на сличен начин да се јават во Министерството за внатрешни работи или во Првото основно јавно обвинителство во Белград.
