Шеесет и седумгодишен жител на ресенското село Грнчари бил пронајден починат покрај превртен трактор на земјен пат во атарот на селото, информираа од СВР Битола.
Според информациите од полицијата, случајот бил пријавен на 16 јуни околу 21:25 часот во ОВР Ресен. На местото бил пронајден Ф.К. (67) од село Грнчари, кој лежел покрај превртениот трактор.
Лекар констатирал смрт на лицето, а по наредба на јавен обвинител телото било предадено на обдукција во Судска медицина, со цел да се утврдат точните причини за смртта.
Увид на местото на настанот извршила увидна екипа на СВР Битола.
Надлежните институции работат на целосно расчистување на околностите под кои се случил настанот.
