Основното јавно обвинителство во Панчево, Србија, поднесе обвинителен акт против 51-годишен маж од Старчево, осомничен за четири кривични дела семејно насилство.
Според обвинителството, М.П. на 26 јули 2026 година, во семејниот дом, под дејство на алкохол и во присуство на своите три ќерки, од кои две се малолетни, ѝ се заканувал на сопругата дека ќе ја убие и ќе ја повреди.
Во текот на инцидентот, според обвинението, тој извадил пиштол и пукал со него пред членовите на семејството. Потоа оружјето ѝ го дал на малолетната ќерка и ѝ рекол да пука во него. Откако таа одбила, повторно го зел пиштолот.
Обвинетиот бил лишен од слобода, а Основниот суд во Панчево му одредил притвор поради опасност од бегство и можност да го повтори кривичното дело.
Обвинителството побарало притворот да продолжи и по поднесувањето на обвинителниот акт, како и да му биде изречена најтешката казна предвидена со Кривичниот законик.
