Јавната расправија меѓу фудбалерот Килијан Мбапе и лидерот на француската десничарска партија, Жордан Бардела, повторно се најде во центарот на вниманието пред претседателските избори во Франција следната година.
Мбапе во интервју за „Венити фер“ изрази загриженост поради можноста Националниот собир да дојде на власт во 2027 година.
„Знам што значи и какви последици може да има за мојата земја кога луѓе како нив ќе дојдат на власт“, изјави фудбалерот на Реал Мадрид.
Бардела брзо му возврати преку социјалната мрежа Икс, потсмевајќи се со неговото заминување од Пари Сен Жермен.
„Знаеме што се случува кога Килијан Мбапе ќе го напушти ПСЖ: клубот ја освојува Лигата на шампионите“, напиша Бардела.
Ова не е нивниот прв судир. За време на Европското првенство во 2024 година, Мбапе предупредуваше дека јакнењето на Националниот собир би било „катастрофално“ за Франција.
Во меѓувреме, десницата во Франција бележи раст на поддршката поради економската криза, незадоволството од политичките елити и дебатите околу имиграцијата.
