Меџити: Разликите во ставовите ги надминуваме внатре во Владата

Владината коалиција останува насочена кон спроведување на проектите и решавање на актуелните прашања, а не кон организирање нови избори, порача Изет Меџити, еден од копретседателите на Вреди.

— реклама —

По несогласувањата меѓу коалициските партнери по вонредните локални избори во Брвеница, Меџити вели дека комуникацијата со премиерот Христијан Мицкоски продолжува редовно, иако партнерите не секогаш имаат исти ставови.

— реклама —

Тој посочи дека разликите во мислењата се надминуваат преку внатрешна комуникација и демократски дијалог во Владата, додавајќи дека средбите со премиерот се редовна практика.

— реклама —

„Се договоривме да бидеме фокусирани на решенија, на работа и на реализација на проекти, а не на избори“, изјави Меџити.

— реклама —

По победата на ДУИ во Брвеница, ВМРО-ДПМНЕ го обвини коалицискиот партнер дека не обезбедил соодветна поддршка. Од СДСМ, пак, овие реакции ги протолкуваа како подготовка за предвремени парламентарни избори.