Прашањата поврзани со изборите во Брвеница се надминати и нема да се одразат врз односите меѓу коалициските партнери, порача Меџити

Прашањата поврзани со изборите во Брвеница се надминати и нема да се одразат врз функционирањето на Владата ниту врз односите меѓу коалициските партнери, порача копретседателот на ВЛЕН, Изет Меџити.

— реклама —

Обраќајќи им се на новинарите во Боговиње, Меџити рече дека редовно се среќава со премиерот Христијан Мицкоски и дека, и покрај различните ставови што понекогаш ги имаат, несогласувањата ги решаваат во рамките на Владата.

— реклама —

— реклама —

„Имаме редовни средби со премиерот Мицкоски. Ние сме дел од Владата, но сме и партнери. Не размислуваме секогаш исто и има моменти кога нашите мислења и ставови се разминуваат. Сепак, Владата поседува демократски капацитет да ги реши овие прашања внатрешно и да продолжи понатаму. Ние сме фокусирани на решенија, а не на избори“, изјави Меџити, кој е градоначалник на Чаир.

— реклама —

Неговата изјава следува по вториот круг од вонредните избори за градоначалник на Брвеница, по кои од ВМРО-ДПМНЕ го нарекоа коалицискиот партнер „тројански коњ“, изразувајќи незадоволство од неговата поддршка за време на изборниот процес.