Меѓународната агенција за атомска енергија: Нема индикации дека биле погодени ирански нуклеарни постројки, нема одговор од Техеран

Меѓународната агенција за атомска енергија (IAEA) засега нема никакви индикации дека американско-израелските напади погодиле ирански нуклеарни постројки, изјави генералниот директор на агенцијата, Рафаел Гроси.

— реклама —

Немаме никакви индикации дека било која нуклеарна постројка е оштетена или погодена“, рече Гроси во обраќањето пред Управниот одбор на IAEA, составен од 35 држави.

— реклама —

Тој додаде дека се продолжуваат обидите за воспоставување контакт со иранските регулаторни власти за нуклеарна енергија, но без успех.

Обидите за контакт со иранските нуклеарни регулатори продолжуваат, но засега нема одговор. Се надеваме дека овој неопходен канал за комуникација ќе се воспостави што е можно поскоро.

— реклама —

Отворајќи вонредна седница на Управниот одбор за Иран во седиштето на агенцијата во Виена, Гроси оцени дека ситуацијата на Блискиот исток е „многу загрижувачка“ и по американско-израелските напади врз Иран и иранските одмаздни ракетни напади повика на „максимална воздржаност“.

Повторно ги повикувам сите страни да покажат максимална воздржаност за да се избегне понатамошна ескалација“, рече Гроси.