Мелони предупредува на ширење хаос по заканите со бомби во 6.300 училишта

Италијанската премиерка Џорџа Мелони ја отфрли можноста за постоење на конкретна опасност по анонимните закани со бомби упатени до повеќе од 6.300 училишта низ Италија. Таа предупреди дека станува збор за „стратегија насочена кон ширење хаос“.

— реклама —

На состанокот со лидерите на опозицијата во палатата Киџи, Мелони повика на единство меѓу политичките сили и размена на достапните информации за низата закани и пријави регистрирани во изминатите денови. Меѓу нив се и случаи поврзани со хакерски активности и сомнителни експлозивни направи во училишта.

— реклама —

Состанокот траел речиси два часа, а присуствувале и вицепремиерите Антонио Тајани и Матео Салвини, како и повеќе министри и високи државни претставници. Мелони нагласила дека средбата не е замена за обраќање пред парламентот, откако дел од опозициските политичари побарале пратениците да бидат информирани за заканите.

— реклама —

Случаите ја отворија и можноста за хибридно војување, односно користење сајбер-напади и лажни дојави за предизвикување несигурност и дезориентација.

— реклама —

Покрај околу 6.300 училишта во Италија, закани со бомби вчера добиле и повеќе од 700 училишта во Шкотска и Северна Ирска. По полициските проверки и евакуациите, наставата во Италија денеска треба да продолжи редовно.