Италијанската премиерка Џорџа Мелони влезе во пресрет на моментот кога ќе стане премиерка со најдолг непрекинат мандат во историјата на Италијанската Република, а во интервју за „Њујорк тајмс“ зборуваше за својот политички пат, односите со Доналд Трамп и визијата за земјата.
Мелони, која интервјуто го дала на италијански јазик во Рим, оцени дека сака да ја промени перцепцијата за Италија како послаба меѓу големите сили. Таа вели дека не сака „покорна Италија“ и дека не прифаќа други да ѝ ги одредуваат границите.
Говорејќи за својот однос со американскиот претседател Доналд Трамп, Мелони призна дека очекувала полесна соработка поради нивните слични ставови за миграцијата и т.н. „воке“ култура. Сепак, таа откри дека двајцата не разговарале неколку недели.
Мелони нагласи дека, и покрај разликите, не се откажува од ставот дека единството на Западот е важно.
„Не ја определувам италијанската стратегија врз основа на моите лични односи“, порача таа.
Италијанската премиерка се осврна и на критиките околу начинот на кој треба да се ословува нејзината функција, посочувајќи дека за неа суштината е жените да имаат можност да бидат на највисоките политички позиции, а не како ќе гласи називот на функцијата во женски род.
Мелони во интервјуто го бранеше и учинокот на својата влада, посочувајќи на бројките за вработеноста, инфлацијата, бројот на пристигнувања на нерегуларни мигранти, издвојувањата за здравството и разликата во приносите меѓу италијанските и германските државни обврзници.
