„Мета“ влегува во конкуренција со „Амазон“, „Мајкрософт“ и „Гугл“

Американската технолошка компанија „Мета“ развива нов бизнис во областа на cloud услугите, преку кој планира да им ги продава на други компании вишоците компјутерски капацитети наменети за развој на вештачка интелигенција, објави „Блумберг“.

— реклама —

Според информациите, компанијата ќе им овозможи на клиентите пристап до својата инфраструктура и пресметковни капацитети за развој на AI, со што директно ќе им конкурира на најголемите светски провајдери на cloud услуги, меѓу кои се Amazon Web Services, Microsoft Azure и Google Cloud.

— реклама —

— реклама —

Најавата позитивно се одрази на берзата, при што акциите на „Мета“ во текот на денот пораснаа за повеќе од 10 проценти.

Од друга страна, акциите на компаниите CoreWeave и Nebius, кои се специјализирани за изнајмување инфраструктура за вештачка интелигенција, забележаа двоцифрен пад, бидејќи инвеститорите очекуваат дека „Мета“ ќе стане нивен директен конкурент и ќе ја намали потребата од нивните услуги.