ВЕШТАЧКА ИНТЕЛЕГЕНЦИЈА

Аналитичари предупредуваат: Вештачката интелигенција не ги дава очекуваните резултати

Технолошките компании и голем број корпорации во последните години масовно вложуваат во вештачка интелигенција, но новите истражувања покажуваат дека очекуваните резултати засега главно изостануваат.Според анализите, од 2022 година досега во развој на вештачка интелигенција, дата-центри и инфраструктура биле вложени повеќе од илјада милијарди долари, додека паралелно се спроведувале масовни отпуштања.Истражување на компанијата „Гартнер“, спроведено меѓу 350 директори на големи глобални компании, покажало дека дури 80 проценти од нив го намалиле бројот на вработени за да инвестираат во автоматизација и вештачка интелигенција.Сепак, голем дел од компаниите признале дека не се сигурни дали овие инвестиции навистина носат поголема продуктивност и намалување на трошоците.Истражувањето покажува и дека компаниите што отпуштале работници заради вложувања во вештачка интелигенција не оствариле подобри финансиски резултати од оние што тоа не го направиле.Најдобри резултати, според анализата, имаат фирмите што ја користат вештачката интелигенција како алатка за помош на вработените, а не како нивна замена.Во меѓувреме, американските компании во 2025 година најавиле повеќе од 1,09 милиони откази, што е за 65 проценти повеќе во споредба со претходната година.Најголем број отпуштања има во технолошкиот сектор, но значителен раст е забележан и во логистиката, складирањето, малопродажбата, медиумите и услужните дејности.Дополнително, истражување на МИТ покажало дека дури 95 проценти од проектите со вештачка интелигенција во 2025 година не донеле значителен раст на приходите.Аналитичарите предупредуваат дека, доколку не се случи сериозен технолошки пробив, постои ризик огромните инвестиции во вештачката интелигенција да се претворат во голем финансиски балон со пошироки економски последици.

Свет | пред 4 часа

Папата Лав XIV предупреди: Вештачката интелигенција може да го одведе светот во бескрајна војна

Папата Лав XIV во својата прва енциклика упати остри предупредувања за опасностите од вештачката интелигенција, повикувајќи ги светските влади да го забават развојот на оваа технологија и да воведат строги правила и контроли.Во документот „Magnifica humanitas“, папата предупреди дека системите на вештачка интелигенција шират дезинформации, поттикнуваат конфликти и можат да го одведат светот кон „бескрајна војна“.„Потребен е поактивен политички ангажман, кој е способен да ги забави работите кога сè се забрзува“, порача Лав XIV.Тој побара сопственоста врз податоците на вештачката интелигенција да не биде целосно во приватни раце, а политичарите да ги заштитат работниците и децата од негативните последици на технологијата.Папата повика и на „цврсти правни рамки, независен надзор и информирани корисници“.Во енцикликата, која има речиси 43.000 зборови, Лав XIV остро ги осуди и војните во светот, оценувајќи дека човештвото „лизга кон насилна култура на моќ“.Тој порача дека теоријата за „праведна војна“ е застарена и дека употребата на сила и оружје секогаш носи катастрофални последици за цивилното население.„Теоријата за праведна војна, која премногу често се користела за оправдување на каков било конфликт, сега е застарена“, нагласи папата.Лав XIV предупреди и дека некои лидери можат да започнат војни за да го одвлечат вниманието од домашните проблеми.Папата посебно ја осуди употребата на вештачката интелигенција во воени цели и порача дека е „недозволиво“ системи на вештачка интелигенција да носат одлуки за убивање.Во документот тој се осврна и на улогата на Католичката црква во робовладетелството, упатувајќи лично извинување.„Тоа е рана во христијанското сеќавање. Во име на Црквата, искрено барам прошка“, напиша папата.

Свет | пред 11 час

(Видео) Французин сам се пријавил во полиција по експлицитен разговор со „14-годишно девојче“ создадено со вештачка интелигенција

Пензиониран професор по физичко образование од Франција заврши во притвор откако на интернет испраќал сексуални пораки до лице за кое верувал дека е 14-годишно девојче. Сепак, „девојчето“ било создадено со помош на вештачка интелигенција и контролирано од инфлуенсер познат по поставување стапици за педофили, објави Би-Би-Си.66-годишниот Доминик Б. сам се пријавил во полиција во источна Франција, еден ден откако неговиот разговор со лажниот профил бил емитуван во живо на интернет.Во речиси 40-минутниот разговор, кој го следеле повеќе од 40.000 луѓе, тој предлагал средба на стадионот „Парк де Пренс“ во Париз, прашувал за интимни фотографии и разговарал на сексуални теми со лицето за кое мислел дека е малолетничка.Кога бил потсетен на возраста на „девојчето“, Доминик Б. одговорил дека и помлади девојчиња веќе имале сексуални искуства.Француското обвинителство го товари за сексуално вознемирување на лице помладо од 15 години и барање порнографски материјал од малолетник.Случајот отвори дебата во Франција за етичноста на ваквите интернет-стапици. Инфлуенсерот FINNYZYY тврди дека сакал да ја подигне јавната свест за сексуалното злоставување на деца, додека дел од правните експерти предупредуваат дека ваквите акции можат да ги попречат официјалните полициски истраги.Засега не е познато дали фактот што обвинетиот комуницирал со возрасен човек, а не со вистинско малолетно лице, ќе влијае врз евентуалната судска постапка.

Свет | пред 1 седмица

Јаневска: Вештачката интелигенција веќе е реалност во училниците

Министерката за образование и наука Весна Јаневска денеска учествуваше на научната конференција „Креирај дома, продавај глобално“, со која беше означено отворањето на Технолошкиот парк Н99.На панел-дискусија посветена на образованието и дигиталната трансформација, таа истакна дека образовниот систем веќе се менува со цел младите да стекнат вештини потребни за идната економија. Според неа, Министерството за образование и наука активно ги следи глобалните трендови и ги интегрира вештините на 21. век во наставата, уште од основното и средното образование.Јаневска нагласи дека вештачката интелигенција веќе се применува во училниците, додавајќи дека е изработен водич за нејзина етичка и безбедна употреба во соработка со државни и приватни факултети од областа на информатиката. Документот е наменет за наставници, ученици и родители, со цел заштита на личните податоци и препознавање на злоупотреби.Таа посочи дека наставниците веќе се обучени и дека во училиштата постојат ментори кои го пренесуваат знаењето, додека дел од образовните установи се опремени со модерна технологија и безбеден интернет, процес што ќе продолжи и во иднина.Министерката додаде дека Македонија се приклучува кон глобалните напори за одговорна примена на вештачката интелигенција, потсетувајќи дека државата ја потпишала Рамковната конвенција на Советот на Европа за оваа област. Таа оцени дека промените на пазарот на трудот се неизбежни, но дека одредени професии, како наставниците и докторите, ќе останат незаменливи.Осврнувајќи се на развојните политики, Јаневска рече дека земјата има усвоено Стратегија за паметна специјализација со поддршка од Европската Унија, со четири приоритетни области: паметно земјоделство, паметно градежништво, туризам и информатичко-технолошкиот сектор.Таа најави и зголемени инвестиции во науката, истакнувајќи дека е обезбеден рекорден буџет за научноистражувачки проекти и дека средствата во последните две години се удвоени.Јаневска посочи дека научно-технолошките паркови се клучна врска меѓу образованието, науката и бизнис-секторот, додавајќи дека Владата работи на проект за основање на првиот државен научно-технолошки парк, кој според најавите треба да започне со работа следната година.

Македонија | пред 2 седмици

(Видео) Тиктокер се обидел да ја измами полицијата со лажна снимка генерирана од вештачка интелигенција, па завршил во затвор

Маж од Флорида е уапсен откако наводно се обидел да измами заменик-шериф со лажен видеозапис генериран со вештачка интелигенција, кој прикажувал наводна провала во полициско возило.Според канцеларијата на шерифот во округот Семинол, 25-годишниот Алексис Мартинез-Аријала тврдел дека неколку лица го ограбуваат неговото полициско возило, при што како „доказ“ покажал краток видеоматеријал на својот телефон.Полицијата утврдила дека инцидентот не се случил, а преглед на надзорните камери потврдил дека никој не се приближил до возилото. Подоцнежната анализа покажала дека видеото најверојатно е креирано со вештачка интелигенција.Осомничениот, кој има голем број следбеници на социјалните мрежи, наводно го користел материјалот за да привлече внимание и да стане вирален.Тој подоцна бил лоциран и уапсен во Порторико, а се соочува со повеќе обвиненија, вклучувајќи давање лажни информации и пријавување лажно кривично дело.Полицијата предупреди дека злоупотребата на вештачката интелигенција и таканаречените deepfake содржини може да создадат сериозни безбедносни ризици и да ја загрозат работата на службите за итни интервенции.

Свет | пред 1 месец

Поради вештачката интелигенција поскапуваат мобилните телефони и лаптопите

Интензивната изградба на огромни центри за податоци наменети за развој на вештачка интелигенција создава силен притисок врз глобалниот пазар на електронски компоненти, што веќе предизвикува недостиг и нагло поскапување на клучната технологија. По драматичниот раст на цените на графичките процесори, поскапувањето се прошири и на работната меморија, SSD-уредите и класичните хард-дискови, а последиците наскоро ќе ги почувствуваат и потрошувачите преку повисоки цени на лаптопи, таблети, паметни телефони и гејминг-конзоли, објави „Футуризам“.Експертите предупредуваат дека ефектот на домино веќе се прелева врз целиот сектор на потрошувачка електроника. Денес речиси секој уред – од медицинска опрема до земјоделска механизација – содржи компјутерски компоненти, што значи дека поскапувањето може да зафати широк спектар производи. Поради растечките трошоци, технолошките компании веќе одложуваат лансирање на нови графички картички за ентузијасти, VR-уреди и играчки конзоли.По рекордната продажба во 2025 година, и пазарот на паметни телефони се соочува со ризик од забавување, бидејќи резервите на работна меморија се на историски ниско ниво. Аналитичарот Сраван Кундожала од компанијата SemiAnalysis за „Волстрит журнал“ изјави дека дури и Apple чувствува сериозен притисок, нагласувајќи дека бумот на вештачката интелигенција и растот на цените на компонентите значително ги намалуваат профитните маржи.Кризата особено силно ја погоди индустријата за видеоигри. Според „Блумберг“, веќе скапата конзола Nintendo Switch 2 би можела дополнително да поскапи, додека долго очекуваниот PlayStation 6 на Sony би можел дури и целосно да биде одложен.Во меѓувреме, технолошките компании вложуваат стотици милијарди долари во нови центри за податоци, што паралелно придонесува и за раст на цените на електричната енергија. Аналитичарите оценуваат дека најголемиот товар од актуелниот технолошки бран на крај го носат потрошувачите, додека компаниите за вештачка интелигенција се обидуваат да ги оправдаат огромните инвестиции пред инвеститорите.Колку долго ќе трае кризата со компонентите, која некои веќе ја нарекуваат „RAMагедон“, засега останува неизвесно. Еден од директорите во Intel, Лип-Бу Тан, неодамна предупреди дека олеснување можеби нема да има пред 2028 година — вест што сигурно не ги радува оние кои планираат купување нов телефон, компјутер или гејминг-конзола.

Свет | пред 3 месеци

Европскиот парламент ги забрани функциите на вештачката интелигенција на службените уреди

Европскиот парламент одлучи да ги исклучи функциите на вештачката интелигенција на службените уреди на пратениците и персоналот поради загриженост за сајбер-безбедност и заштита на податоците, објавено преку интерен е-пошта во понеделник.Функциите што се онеможени вклучуваат помошници за пишување и сумирање текст, напредни виртуелни асистенти и создавање кратки содржини од интернет страници. Апликации, е-пошта, календар и документи не се погодени. Причината е што дел од алатките користат облачни услуги, со што податоците се испраќаат надвор од уредот.Парламентот ги советува пратениците да бидат внимателни и на приватните уреди, да избегнуваат изложување службени податоци на функции на вештачка интелигенција и да внимаваат со апликации од трети страни.

Свет | пред 3 месеци

Ниа Ноар не постои: Вештачка интелигенција измами милиони корисници на „Тик-ток“

Модел создаден со вештачка интелигенција, познат како Ниа Ноар, успеал да измами милиони корисници на социјалните мрежи, собирајќи огромен број прегледи и следбеници. Нејзиниот профил на „Тик-ток“ брои околу 2,7 милиони следбеници, а едно од видеата достигнало речиси 199 милиони прегледи.Иако голем број корисници верувале дека станува збор за вистинска личност, подоцна било утврдено дека Ниа Ноар е целосно генерирана со вештачка интелигенција. Дел од корисниците забележале дека нејзините танци и облека често се идентични со оние на реални креатори, додека позадините во видеата изгледаат статично и неприродно, особено во сцени кои наводно се снимени на отворено.Коосновачот на „Планет ВПН“, Константин Левинзон, објаснува дека содржините создадени со вештачка интелигенција најчесто се препознаваат по неприродно мазна кожа, „стаклен“ сјај на очите, проблеми со екстремитетите и неускладеност меѓу субјектот и позадината. Според него, лицата кај ВИ-содржините често изгледаат „исклесано“, а не фотографирано.Сè уште не е познато кој стои зад профилот, ниту дали ликот е базиран на реална личност. Сепак, и покрај очигледните знаци, содржината била доволно убедлива за да измами милиони луѓе ширум светот.

Свет | пред 4 месеци