„Ми се гади од вакви протести“ – доктор Лазаров со критика оти на протестот за правосуден на албански нема ниту едно македонско знаме

Докторот Ненад Лазаров упати критика за протестот поврзан со барањето за полагање на правосудниот испит на албански јазик, оценувајќи дека начинот на изразување ја девалвира суштината на барањето.

Во објава, тој истакна дека правото на мајчин јазик во 21 век е неоспорно и дека го поддржува, но посочи дека протестот, според него, бил политички инструментализиран.

— реклама —

„1 знаме на државата во која живеете и барате нема на протестов, цел живот е колегава у политика што не направи поише? Правото на мајчин јазик во 21 век за мене како интелектуалец е неоспориво и ве поддржувам, ама ми се гади од вакви ‘протести’“, напиша Лазаров.

— реклама —

Тој реагира и на симболиката на настанот, наведувајќи дека недостасувало државно знаме, како и дека дел од скандирањата и пораките биле непримерни.

Воедно, упати и критика кон политичките структури, посочувајќи дека протестот, според него, има логика да се одржи пред седиштето на Демократска унија за интеграција, а не пред институциите.

— реклама —

„Еве јас ќе ставам знаме место вас“, порача Лазаров во својата реакција.