ПРАВОСУДЕН ИСПИТ

Јазикот на правосудниот испит отвора нова политичка дебата - Мицкоски најави решение, Касами бара испит на албански јазик

Комисија од уставни експерти ќе бара решение за употребата на албанскиот јазик при полагање на правосудниот испит, најави премиерот Христијан Мицкоски, по протестот на студенти кои побараа испитот да се полага на мајчин јазик.Тој истакна дека при носењето решение мора да се почитуваат Уставот и меѓународните стандарди. Според него, Законот за употреба на јазиците е оспорен пред Уставниот суд, особено во делот што се однесува на правосудството, а постои и негативно мислење од Венецијанската комисија за двојазичноста во овој сектор.Мицкоски нагласи дека, од една страна, недостигаат ресурси за спроведување на вакви решенија, а од друга, не се гарантира еднаквост во примената на правото. Поради тоа, Венецијанската комисија препорачува враќање на претходните законски решенија. Воедно, тој посочи дека студентите кои студираат на албански јазик имаат право на образование на мајчин јазик во рамки на системот.Во однос на присуството на опозициски претставници на протестот, Мицкоски изјави дека за тоа ги информирал сојузниците во НАТО и ЕУ, оценувајќи дека станува збор за обид за дестабилизација, што не наишло на поддршка од меѓународната заедница.Претседателот на БЕСА, Билал Касами, изјави дека правосудниот испит треба да може да се полага на албански јазик, доколку студентите целото образование го следеле на тој јазик.„Ако целите студии се завршени на албански јазик, ќе треба и правосудниот испит да биде на истиот јазик. Работиме во правец на наоѓање на законско решение со кое и оваа проблематика наследена од претходните влади да биде решена“, рече претседателот на БЕСА, Билал Касами.

Македонија | пред 1 седмица

„Македонија има еден службен јазик на целата територија, секој кој живее и работи треба да го знае“, велат од Македонски Концепт

Во врска со вчерашните протести поврзани со прашањето за употреба на албанскиот јазикот при полагање на правосуден испит и административни постапки, се огласија од Македонски Концепт. Оттаму велат дека секој кој живее и работи во Македонија треба да го знае и да полага на македонски јазик.„Секој кој живее и работи во Македонија, треба да го знае македонскиот јазик и да полага на македонски јазик. Исто како во секоја нормална држава, членка на ЕУ. Ни повеќе, ни помалку!Република Македонија има еден службен јазик на целата територија – македонскиот јазик. Тоа не е прашање на политичка волја, туку на државна функционалност, правна сигурност и еднакви правила за сите. И тоа не ја намалува вредноста, ниту употребата на останатите јазици на етничките заедници во земјава. Албанскиот јазик не може да биде „над-јазик“, со поголемо значење од останатите јазици на другите етнички заедници. Сите сме рамноправни граѓани на Републиката, а со тоа и нашите јазици, кои се средство за разбирање, а не за етничка хегемонија.Ова не е насочено против никого, туку е нормален стандард во секоја сериозна држава – јазикот на државата е темел на институциите, образованието, јавната администрација и општествената кохезија.Истовремено, ги повикуваме сите граѓани на смиреност и достоинство. Протестот е демократско право, но не смее да прерасне во притисок врз институциите да се откажат од принципите на државност и од еднаквоста на правилата.Македонски Концепт ќе се спротивстави на секој обид Македонија да се претвори во држава со паралелни системи и стандарди. Државата мора да функционира по јасни и исти правила за сите – без исклучоци, без двојни аршини и без наметнување.Македонскиот јазик е обврска во јавниот систем. Тоа е услов за интеграција, а не тема за уцена“, се наведува во соопштението на Македонски Концепт.

Македонија | пред 1 седмица

„Правото не е етнички договор“ – професорот Кекеновски за барањето правосуден да се полага на албански

Професорот по право Јове Кекеновски оцени дека барањето правосудниот испит да се полага на друг јазик не претставува прашање на јазични права, туку политички инструментализирана тема што, според него, е спротивна на уставниот поредок и правната сигурност.Тој посочува дека Уставот јасно го утврдува македонскиот како службен јазик, додека употребата на другите јазици се однесува на институционална комуникација, а не на професионални критериуми за влез во правосудниот систем.Според Кекеновски, Законот за употреба на јазиците ги уредува правата на граѓаните во постапките, но не ги дефинира условите под кои некој станува судија или обвинител.Тој нагласува дека правосудниот испит е филтер на знаење, правна логика и терминолошка прецизност, при што јазикот не е само средство за комуникација, туку основен инструмент за примена на правото.„Судија или обвинител мора да го владее на највисоко ниво јазикот на кој се создава и применува правниот поредок. Тоа не е прашање на дискриминација, туку на компетентност“, наведува Кекеновски.Професорот додава дека ваквата практика е стандард и во други држави, каде правосудните испити се полагаат на службениот јазик, оценувајќи дека правдата не смее да биде предмет на политички компромиси.

Коментари | пред 1 седмица

Адвокатот Димитријевиќ до студентите кои протестираа: Ако задолжителен јазик во судските постапки е македонскиот, тогаш мора да се познава и користи

Адвокатот Александар Димитријевиќ оцени дека барањето за полагање на правосудниот испит на друг јазик е неосновано, посочувајќи дека суштината на правосудниот систем бара јасна и единствена комуникација.Тој реагираше и на поддршката што дел од албанските политичари им ја дадоа на студентите, наведувајќи дека, според него, со години се занемаруваат клучни проблеми, додека сега се отвораат прашања кои дополнително ја делат јавноста.„Јазикот е богатство кое треба да нè зближува, а не да нè разединува“, истакнува Димитријевиќ.Тој постави и практична дилема за идните правници: на кој јазик ќе се водат судските постапки.„Ако задолжителен јазик во судските постапки е македонскиот, тогаш мора добро да се познава и да се користи. Во спротивно, ќе се доведе во прашање професионалноста“, посочи адвокатот.Димитријевиќ им порача на младите правници да не подлегнуваат на политички влијанија и да се фокусираат на знаењето и професионалниот развој, нагласувајќи дека токму тие се иднината на државата.Во својата изјава, тој наведе и личен пример, истакнувајќи дека работел со адвокат Албанец кој одлично го владеел македонскиот јазик и поради тоа бил високо почитуван во професијата.

Коментари | пред 1 седмица

(Видео) Адеми по инцидентот на протестот: Меџити се обиде на низок начин да провоцира пред камерите преку еден негов активист

Денес се одржа протест на студентите Албанци со цел да се обезбеди можност за полагање на правосудниот испит на албански јазик. На протестот присуствуваа и претставници на албанските политички партии, а меѓу нив беше и Генералниот секретар на ДУИ, Арбер Адеми.За време на протестот, еден од студентите се обиде да го спречи Адеми да учествува, изразувајќи незадоволство од неговото присуство. По настанот Адеми се огласи на социјалните мрежи.„Денес, на протестот на студентите, Изет Меџити се обиде на низок начин да провоцира пред камерите преку еден негов активист, наречен Бесник Халити од Чаир, кој дури не беше ни студент. Целта е јасна: да се дискредитира студентската и непартиската иницијатива за да се заштити Филков и нивните кражби. Кога не можеш да го спречиш протестот, се обидуваш да го нарушиш. Но, не успеаја. ВЛЕН дојде да го наруши протестот, но не успеа. Студентите ќе успеат, сакаа или не оние на кои денес стравот им влегол во сржта“, вели Адеми.

Македонија | пред 1 седмица

(Видео) Студент сакаше да го стопира Арбер Адеми од ДУИ да учествува на протестот за правосуден на албански

Денес се одржа протест на студентите Албанци кои бараат можност за полагање на правосудниот испит на албански јазик. Протестот се одржа пред Министерството за правда и беше поддржан од повеќе албански политички партии.На протестот присуствуваше и Генералниот секретар на ДУИ, Арбр Адеми, кој дојде да ја искаже својата поддршка за студентските барања, но за време на настанот, еден од студентите се обиде да го спречи Адеми.

Настани | пред 1 седмица

Министерството за правда: Протестот има политичка позадина и манипулација

Министерството за правда го потврдува правото на протест како фундаментално демократско право, но како што велат изразуваат загриженост за обиди за политичка манипулација на денешниот собир.„Министерството за правда го почитува правото на протест како едно од темелните демократски права на секој граѓанин. Слободното изразување на ставови и иницијативи преку јавни собири претставува значаен сегмент од демократското општество и придонесува кон унапредување на јавниот дијалог.Сепак, со жалење констатираме дека денешниот протест уште еднаш покажа обид за манипулација со граѓаните од страна на политички структури кои повеќе од две децении директно учествуваа во креирањето на лошите состојбите во правосудниот систем.Особено загрижува улогата на одредена  опозициска партија, и нивното делување во контекст на актуелните протести .Ваквите постапки отвораат сомнежи за обид за јавна манипулација и инструментализација  преку поттикнување на чувствителни  прашања и очигледно користење на етничка реторика за остварување на краткорочни политички цели.Во тој контекст евидентно е и отсуството на користење на државни обележја  на денешниот протест што дополнително упатува на  демократскиот капацитет на организаторите и нивниот однос кон државата и уставниот поредок.Во однос на барањата поврзани со полагањето на правосудниот испит,Министерството за правда уште еднаш  потенцира и потврдува дека истиот се спроведува согласно важечката законска рамка. Станува збор за стручен испит кој не претставува управна постапка, туку механизам за обезбедување на квалитет и стручност во правосудниот систем.Министерството за правда останува отворено за конструктивен дијалог со сите засегнати страни и внимателно ги разгледува сите иницијативи и предлози, исклучиво во рамки на законските надлежности. Наш приоритет останува јакнењето на правниот поредок и воспоставување на фер, транспарентен и квалитетен систем на стручна евалуација, ослободен од политички влијанија.Нема да дозволиме никаква злоупотреба на Уставот и законите“, велат од Министерство за правда.

Македонија | пред 1 седмица

„Ми се гади од вакви протести“ – доктор Лазаров со критика оти на протестот за правосуден на албански нема ниту едно македонско знаме

Докторот Ненад Лазаров упати критика за протестот поврзан со барањето за полагање на правосудниот испит на албански јазик, оценувајќи дека начинот на изразување ја девалвира суштината на барањето.Во објава, тој истакна дека правото на мајчин јазик во 21 век е неоспорно и дека го поддржува, но посочи дека протестот, според него, бил политички инструментализиран.„1 знаме на државата во која живеете и барате нема на протестов, цел живот е колегава у политика што не направи поише? Правото на мајчин јазик во 21 век за мене како интелектуалец е неоспориво и ве поддржувам, ама ми се гади од вакви ‘протести’“, напиша Лазаров.Тој реагира и на симболиката на настанот, наведувајќи дека недостасувало државно знаме, како и дека дел од скандирањата и пораките биле непримерни.Воедно, упати и критика кон политичките структури, посочувајќи дека протестот, според него, има логика да се одржи пред седиштето на Демократска унија за интеграција, а не пред институциите.„Еве јас ќе ставам знаме место вас“, порача Лазаров во својата реакција.

Коментари | пред 1 седмица

(Видео) Без македонски знамиња, со транспаренти и скандирања се бара полагање на правосуден на албански јазик

Со албански и американски знамиња, како и со транспаренти „Стоп за институционалната дискриминација“, граѓани денеска протестираа барајќи правосудниот испит да може да се полага и на албански јазик.Учесниците носеа и политички пораки, меѓу кои „Охридскиот договор не се преговара повторно“ и „Законот за јазиците е јасен“, а дел од нив упатија и директни пораки до правосудните институции и Уставен суд на Република Македонија.„Не го допирајте Законот за јазиците!“, беше една од пораките на протестот, проследена со скандирања за одговорност и оставки.Барањето за полагање на правосудниот испит на албански јазик, според важечката правна рамка, отвора и уставни дилеми, бидејќи за ваква промена би била потребна интервенција во Уставот.Во пресрет на протестот, премиерот Христијан Мицкоски ги повика студентите и учесниците да не дозволат, како што рече, „да бидат алатка во рацете на опозициска политичка партија“, додавајќи дека Владата веќе формирала група уставни експерти кои работат на изнаоѓање решение.Протестот помина со засилено полициско присуство, а сообраќајот во централното градско подрачје беше привремено пренасочен.

Македонија | пред 1 седмица

Денес протестен марш во Скопје за полагање правосуден испит на албански јазик

Денес со почеток во 12:30 часот од страна на група граѓани ќе се организира протестен марш како израз на незадоволство поради, како што е најавено, неспроведување на Законот за употреба на јазиците во првосудниот испит.Трасата на движење на протестот е најавена од пред плоштад „Карпошово востание“ ул.„11-ти Март“ преку Камени мост, продолжува по ул.„Никола Вапцаров“ и завршува на ул.„Димитрие Чуповски“ пред Министерство за правда.Од МВР најавија дека сообраќајот ќе биде пренасочен по околните сообраќајници.  СВР Скопје-Единицата за безбедност на патниот сообраќај ќе преземе мерки за посебен режим на сообраќајот.

Скопје | пред 1 седмица

„Студентските протести се аларм“ – Меџити со поддршка за барањата правосуден да се полага на албански јазик

Во пресрет на најавениот протест за полагање на правосудниот испит на албански јазик, градоначалникот на Чаир Изет Меџити повика на поголема свесност кај политичките и општествените актери, оценувајќи дека станува збор за прашање кое бара системски пристап.Според него, во мултиетнички држави како Македонија, политичките елити имаат обврска континуирано да градат правни и институционални политики кои го одразуваат мултиетничкиот карактер и различноста на општеството.„Јазичната политика во Македонија, за жал, е уредена со половичен закон. Половични закони даваат половични решенија“, посочува Меџити.Тој нагласува дека протестот не треба да се гледа како политизација, туку како повик за подобри законски решенија и долгорочни институционални политики.„Протестот е повик за освестување за сите политички и општествени актери кои треба да придонесат за подобри решенија. Студентските протести секогаш се аларм за појави во општеството кои политичките структури имаат обврска да ги третираат целосно“, наведува Меџити.Протестот е најавен за денес, а во фокусот е барањето за овозможување полагање на правосудниот испит на албански јазик.

Македонија | пред 1 седмица

Протестен марш во Скопје: посебен режим на сообраќај, траса до Министерството за правда

Денеска во Скопје ќе биде воведен посебен режим на сообраќај поради протестен марш кој ќе започне во 12:30 часот, информираат од Министерството за внатрешни работи.Маршот, организиран од група граѓани поради незадоволство од неспроведување на Законот за употреба на јазиците во правосудниот испит, ќе започне од плоштадот „Карпошово востание“, ќе продолжи по улицата „11-ти Март“, преку Камениот мост, по „Никола Вапцаров“, а ќе заврши пред Министерството за правда на улицата „Димитрие Чуповски“.Од МВР информираат дека сообраќајот ќе биде пренасочен по околните улици со цел непречено движење, а граѓаните се повикуваат да ги почитуваат насоките на полициските службеници.Протестот се организира со барање да се овозможи полагање на правосудниот испит на албански јазик, прашање кое веќе предизвика политички реакции.Премиерот Христијан Мицкоски ги повика учесниците да не дозволат, како што рече, „да бидат алатка во рацете на политичка партија која сè уште живее во спомените од минатиот век“.Тој најави дека Владата работи на решение за проблемот.„Формиравме група од уставни експерти кои работат на решение кое ќе биде уставно и во согласност со меѓународните стандарди. Ги уверувам студентите дека ќе се изнајде соодветно решение“, изјави Мицкоски.Премиерот посочи и дека Законот за употреба на јазиците е оспорен пред Уставниот суд, како и дека за одредени одредби, особено во правосудството, постојат забелешки и од Венецијанската комисија.Протестот се одржува во чувствителен момент, со засилени политички позиции околу јазичната политика и примената на законот во правосудниот систем.

Македонија | пред 1 седмица

Села бара оставка од Филков: Правосудниот испит да се одржи на албански јазик

Лидерот на Алијансата за Албанците, Зијадин Села, вели дека се потребни конкретни чекори и политичка одговорност за, како што вели, прекршувањата на правата на Албанците.„Премиерот Христијан Мицкоски денес потврди два неоспорни факти што многу негови подредени се обидоа да ги негираат или манипулираат.Младите албански правници имаат право да го полагаат испитот по правосудство на албански јазик, додека за досегашното одбивање и кршењето на ова право, министерот за правда треба да биде разрешен бидејќи ги прекршил и законите и самиот Устав како највисок правен акт во земјата.Вториот факт што постојано го браневме, верувајќи во нашата посветеност и во правдата, е дека со измените на Законот за употреба на јазиците од 2018 година, што беше услов на АА за Владата во тоа време, албанскиот јазик е службен јазик низ целата земја и на централно ниво.Сепак, Алијансата за Албанците оценува дека само изјавата на премиерот не е доволна за затворање на овие теми, туку се потребни и конкретни акции во корист на граѓаните и спроведување на законите.Прво, поединци како што е актуелниот министер за правда и сите други кои отворено заземаа ставови против албанскиот јазик и правата на Албанците треба да се отстранат од институциите и политичката сцена, за да не се повторат вакви случаи во иднина.Потоа, итно треба да се покрене постапка за измена на сите закони и подзаконски акти кои мора да се усогласат со Законот за употреба на јазиците и Амандманот V од Уставот.Доколку тоа не се случи, денешната изјава на шефот на Владата може да се оцени само како обид да се однесува како умерен и добар политичар кон Албанците, во време кога Владата и институциите постапуваат спротивно“, вели Зијадин Села.

Македонија | пред 2 месеци