Мицкоски апелира на трпеливост: Следуваат позитивни сигнали од Вашингтон

Премиерот Христијан Мицкоски изјави дека актуелните информации поврзани со визните ограничувања на САД кон Македонија се однесуваат исклучиво на емигрантските визи, а не на туристичките посети или студентските визи, и порача дека во наредните денови очекува позитивни вести за македонските граѓани во односите со Соединетите Американски Држави.

— реклама —

Според Мицкоски, нема простор за вознемиреност кај јавноста, бидејќи станува збор за тесно дефинирана категорија визи, која не ги засега граѓаните што патуваат туристички или поради образование. Тој истакна дека комуникацијата со стратешките партнери продолжува и дека очекува разврска која ќе биде во интерес на државата и на граѓаните.

— реклама —

— реклама —

Премиерот упати и критика до опозицијата, оценувајќи дека по претходните реакции и критики поврзани со Обединетото Кралство, сега неоправдано се отвораат и прашања за односите со САД.

— реклама —

Тој нагласи дека Владата останува посветена на зачувување и унапредување на односите со стратешките партнери и повтори дека очекува „многу добри вести“ за македонските граѓани во блиска иднина.