Мицкоски: Центрите за податоци и вештачката интелигенција се иднината, нема да дозволам Македонија да заостанува

Премиерот Христијан Мицкоски ја потврди поддршката за инвестиции во центри за податоци и развој на вештачката интелигенција, оценувајќи дека тие се клучни за идниот економски и технолошки развој. Тој најави дека Владата работи на неколку инвестиции од овој вид.

— реклама —

Во гостувањето во „Само интервју“ на телевизија „Канал 5“, Мицкоски рече дека нема да дозволи Македонија да заостанува во развојот на овие индустрии, туку ќе се стреми да биде меѓу земјите што активно ги применуваат новите технологии.

— реклама —

„Да, сум за центри за податоци и ќе продолжам да бидам затоа што тоа е иднината. Денеска светот својот развој го гледа во центрите за податоци, вештачката интелигенција и нема да дозволам, прво како инженер, второ како професор, мојата земја и моите граѓани да бидат на опашката, наместо да имаат можност да бидат на челото на поворката што ќе промовира ваков тип индустрија“, истакна Мицкоски.

— реклама —

Тој додаде дека Владата ќе ја искористи секоја можност за привлекување инвестиции во оваа област и дека во моментов се работи на неколку проекти.

Осврнувајќи се на противењето на опозицијата, Мицкоски ја обвини дека во минатото ја распродавала земјата и оцени дека граѓаните не сакаат да се поистоветуваат со неа.