Мицкоски го означи почетокот на изградбата на автопатот Букојчани – Кичево

Почетокот на изградбата на автопатската делница Букојчани – Кичево беше означен денеска на настан на кој присуствуваше премиерот Христијан Мицкоски.

— реклама —

Тој оцени дека станува збор за значаен инфраструктурен проект кој ќе придонесе за подобро поврзување на Охрид со Скопје и за развој на патната инфраструктура во Македонија.

Мицкоски посочи дека стратешка цел на Владата е Македонија да стане регионална раскрсница преку развој на четири клучни столба: патната, железничката, енергетската и гасната инфраструктура. Според него, продолжуваат инвестициите во коридорите 8 и 10.

— реклама —

— реклама —

Тој најави дека целосното пуштање во употреба на автопатот Кичево – Охрид се очекува најдоцна во првата половина на 2027 година.

— реклама —

„Ја градиме Македонија со конкретни проекти и долгорочна визија. Инвестираме во инфраструктура што ќе создава нови економски можности, ќе ја зајакнува регионалната поврзаност и ќе обезбедува подобри услови за живот на сегашните и идните генерации“, порача Мицкоски.