По повод 25-годишнината од трагичниот настан кај Љуботенски Бачила, премиерот Христијан Мицкоски им оддаде почит на осумтемина припадници на резервниот состав на Армијата кои го загубија животот во 2001 година.
Мицкоски потсети дека на 10 август 2001 година, по активирањето на мина на патот кон Љуботенски Бачила, загинаа Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски.
„Со длабока почит се поклонуваме пред нивната жртва и пред нивните семејства, кои 25 години ја носат болката од загубата на своите најмили“, порача премиерот.
Тој истакна дека споменот треба да се чува и за Ацо Ангеловски, припадник на полициските сили кој во 2000 година го загубил животот во Арачиново.
Според Мицкоски, жртвата на бранителите претставува трајно потсетување дека мирот, слободата и безбедноста имаат своја цена.
„Наш долг е да го негуваме споменот, да ја почитуваме нивната храброст и да ја пренесуваме нивната приказна на идните генерации“, порача Мицкоски.
„Вечна им слава на бранителите!“, додаде премиерот.
