Премиерот Христијан Мицкоски со индикативна изјава за можни постапки против поранешни функционери од претходната власт.
„Имам чувство дека набргу високи функционери од претходната Влада, како и нивни блиски од семејството, ќе бидат опфатени со одредени прогони – не велам дека имам информации“, изјави Мицкоски.
Со оваа изјава, премиерот не потврди конкретни истраги, но отвори простор за толкувања дека институциите би можеле да започнат постапки против поранешни носители на јавни функции.
Изјавата доаѓа во период на засилени политички тензии и меѓусебни обвинувања меѓу власта и опозицијата, што дополнително го подгрева политичкиот амбиент во земјава.
