Мицкоски: Интензивно се работи на реконструкција на Универзалната сала, очекувам да заврши во предвидениот рок

Премиерот Христијан Мицкоски на прес конференција изјави дека очекува Универзалната сала во Скопје да биде завршена во предвидениот рок, нагласувајќи дека објектот е дел од подготовките за проектот „Европска престолнина на културата 2028“.

— реклама —

„Очекувам во рамките на рокот да биде завршен овој објект, бидејќи проектот конечно добива на динамика по застојот во минатото. До 2028 година мора да ги завршиме сите предвидени објекти, меѓу кои е и Универзалната сала“, изјави Мицкоски.

— реклама —

Тој на прес конференцијата додаде дека објектот, кој во минатото се соочувал со бројни проблеми и одложувања, конечно ќе добие нов изглед и функција.

— реклама —

„Според проектот што го видовме, ќе биде навистина значајно и убаво дело. Да не зборуваме предвреме, туку да го завршиме проектот и потоа заедно да се радуваме на културните настани што ќе се одржуваат тука“, рече премиерот.

— реклама —

Мицкоски упати благодарност до Министерството за култура, министерот, градоначалникот и сите вклучени во подготовката на проектот, истакнувајќи дека се надева оти објектот ќе биде завршен во рамки на предвидениот рок и буџет.