УНИВЕРЗАЛНА САЛА

Универзална почнува да се гради, треба да е завршена до декември 2027 година, објави Љутков

Министерот за култура и туризам Зоран Љутков соопшти дека започнува реконструкцијата и модернизацијата на Универзална сала, по години административни пречки и одложувања. Објектот е затворен 11 години, односно од 2015 година.Според него, постапката за избор на изведувач е целосно завршена, откако Државната комисија за жалби по јавни набавки ја одбила жалбата на економскиот оператор како неоснована, со што е потврден изборот на најповолната понуда.„Со ова се отстранува и последната правна пречка за старт на градежните работи“, информира Љутков.Проектот ќе се реализира по принципот „клуч на рака“, а завршувањето на реконструкцијата е предвидено до декември 2027 година. Овој зафат е дел од подготовките на Скопје за кандидатурата за Европска престолнина на културата во 2028 година.Со обновата, Универзалната сала треба да добие современ и функционален изглед и да стане центар за театарски претстави, концерти, фестивали и други културни настани.Љутков оцени дека станува збор за инвестиција во културата и иднината на државата, најавувајќи транспарентна и ефикасна реализација на проектот.

Македонија | пред 3 часа

Тендерот за Универзална сала може пак да се поништи, избран изведувач ама има жалба

Министерот за култура Зоран Љутков денеска изјави дека евалуацијата на документацијата за изградбата на Универзална сала е завршена и дека донеле одлуката за избор на изведувач.Чекавме 10 дена претпоследниот ден се појави жалба, во однос на одлуката, и сега чекаме второстепената комисија за жалби да се произнесе во однос на таа жалба. Како што знаете, претходниот пат падна тендерот, овој пат се надевам дека тоа нема да се случи. Иако се биде во ред, не знам на која седница на второстепената комисија за жалби ќе се донесе одлуката, но штом се донесе одлуката, веднаш пристапуваме кон потпишување на договорот и почеток на реконструкцијата, бидејќи што знаете, и средствата се обезбедени за изградба на Универзална сала.Љутков додаде дека се надевале на повеќе кандидати за изградба на Универзална сала, но се пријавиле самои двајца понудувачи.Ние се надевавме дека ќе има повеќе кандидати за изградба на универзална сала, но сепак имаше само двајца понудувачи, од кои што на едниот, како што одлучи комисијата, еве да не бидам погрешно сфатен, дека лиценцата после пожарот во Кочани на одредени изведувачи лиценците им беа дали одземени, дали привремено одземени, но таа ни ги исполнуваше условите. Само една компанија ги исполнуваше условите и донесовме одлука таа да биде изведувач на Универзална сала. Дали ќе се случи повторно од комисијата за жалби, повторно да се поништи тендерот, тоа јас не можам да знам“, вели Љутков.

Скопје | пред 3 седмици

Љутков: Одлуката за изведувач на Универзална сала ќе биде донесена в понеделник

В понеделник ќе биде донесена одлуката за изведувач на Универзална сала, но ќе мора да се причека рокот од осум дена за поднесување жалба, рече денеска министерот за култура и туризам Зоран Љутков.Како што нагласи Љутков, едната постапка е завршена, а втората е во фаза на евалуација.- Комисијата работи и процесот е веќе во завршна фаза. Одлуката за избор ќе биде донесена в понеделник, информира министерот,Во врска со пресудите за платите во културата, Љутков истакна дека се уште стои на истиот став.-Јас не ги добивам лично пресудите од првостепениот суд, некој друг веројатно ги добива пред да ги добиеме ние. Јас подоцна се информирам од институциите, кога ќе стигнат, но знам дека пред три дена, една од одлуките, првата од првостепениот, од Битола, беше обжалена и Апелација одлучи во корист на институцијата, рече министерот.

Скопје | пред 2 месеци

Избран изведувачот за реконструкцијата на Универзална сала – проектот ќе биде готов до декември 2027 година

Министерството за култура и туризам информира дека е завршена постапката за избор на изведувач за реализација на проектот за реконструкција на Универзална сала во Скопје. Денес е донесена одлука за избор на најповолен понудувач по јавната набавка за „изведба на градежни и градежно-занаетчиски работи и ентериер на објектот Универзална сала – по принцип на изградба клуч на рака“.По завршување на законските рокови, ќе следи потпишување на договорот за изведба, а потоа и воведување на изведувачот во работа, по што ќе започнат официјално и градежните активности.Рокот за реализација на проектот е до декември 2027 година, а принципот клуч на рака подразбира дека до тој период објектот ќе биде целосно изграден, уреден и подготвен за користење, односно за одржување концерти, настани и други културни содржини.Од Министерството потсетуваат дека по преземањето на објектот од Град Скопје, особено по пожарот што го оштети објектот, биле спроведени низа активности за да се обезбеди успешна реконструкција. Со измените и дополнувањата на проектната документација, Министерството обезбедило нов основен проект за реконструкција, кој пред јавноста беше претставен како спој на зачуваниот спомен и современ архитектонски идентитет.Со реализацијата на проектот, Универзална сала ќе добие современ и повеќенаменски карактер, задржувајќи ја симболичната вредност што објектот ја има во колективната меморија на граѓаните на Скопје.Според Министерството, обновената сала ќе има клучна улога во програмата на манифестацијата „Скопје – Европска престолнина на културата 2028“, кога повторно ќе стане едно од омилените места за културни настани и собири на граѓаните.

Македонија | пред 5 месеци

Нова Универзална сала во Скопје со 1200 седишта и современа опрема до 2027 година

Универзалната сала во Скопје ќе добие нов, модерен изглед со капацитет од 1200 седишта, подобрена акустика и најсовремени техничко-технолошки системи, соопшти Министерството за култура и туризам. Во планот се вклучени HVAC, сценска механика, ЛЕД-осветлување, аудио-видео и електрични инсталации, како и современи материјали во ентериерот и екстериерот. Објектот ќе биде енергетски ефикасен, а околината ќе добие ново партерно и хортикултурно уредување.Од Министерството нагласуваат дека ќе се задржи постојната форма на салата, како знак на почит кон колективната меморија на скопјани.Идејното архитектонско решение е дело на проектантот Бујар Муча и беше задржано од Град Скопје. Во конструктивниот дел, пак, биле направени измени врз основа на насоки од испитувањата што Министерството ги побарало како неопходност по пожарот во објектот.Очекувањата се постапките за избор на изведувач и надзор да завршат до почетокот на октомври, по што ќе започне изградбата по системот „клуч на рака“. Планот е Универзалната сала да биде готова до крајот на 2027 година, а во 2028 да биде подготвена за програмата „Скопје – европска престолнина на културата“. Инвестицијата е проценета на 20 милиони евра.„Ова не е само објект – ова е инвестиција во културата, идентитетот и иднината на Скопје“, изјави министерот за култура и туризам, Зоран Љутков, додавајќи дека салата ќе стане симбол на културна размена и заедништво достапна за сите граѓани.

Скопје | пред 6 месеци

Арсовска бара да се запрат работите на Универзална сала, ама таа не нејзина лична своина, порача министерката Стојчевска

Да се запрат работите на Универзална сала, побарала скопската градоначалничка Данела Арсовска од министерката Бисера Костадиновска-Стојчевска. Според министерката, тоа не може да се случи. Ја прати Арсовска да оди во Советот и да донесат одлука со советниците.„Добивме известување за раскинување на договор. Универзална сала не е лична своина на Данела Арсовска. За Универзална сала одлучуваше Совет на Град Скопје. Ако таа сака ова да го однесе пред советниците, тоа е нејзино право. Ако тие одлучат, нема проблем. Тоа е процес на кој ние не можеме да влијаеме“, рече Бисера Костадиновска-Стојчевска.Според неа, реконструкцијата ќе продолжи.

Скопје | пред 1 година

Трајановски: Да не беше политичката омраза, досега ќе беше готова Универзална сала

,,Кога ќе те обземе политичката омраза настанува нереализација или одлжување на проектите кои си ги наследил.Во 2015г. Падна дел од кровот на Универзалната сала поради што ја затворивме за користење.Веднаш во соработка со Владата се направи проект во вид на Јајце.Но поради тоа што беше многу скап ( околу 15 мил евра) а и поради реакции на граѓаните дека треба да се задржи постојниот изглед проектот не се реализираше.Затоа се направи нов проект преку Универзална сала а во соработка со владата и министерството за култура и градот Скопје со кој се задржа постојниот изглед на куполата, се предвидоа дополнителни сали за манифестации и конференции. Покрај тоа се предвиде и подземен паркинг кој овозможуваше подобра пристапност и функционалност на објектот.Проектот беше готов крајот на 2016 и почеток на 2017г. ( Види видео )Во јуни 2017г се изгласа нова влада на чело до СДСМ во која за министер за култура беше избран г-дин Алаѓозовски.Со оглед на тоа што бев градоначалник до октомври 2017, во летото 2017 на мое барање остварив средба со министерот на која му го преставив проектот и го замолив за финансирање на проектот со оглед на тоа што од претходната влада имаше заклучок за нејзино финансирање.За жал тоа не се оствари а мене ми заврши мандатот во октомври 2017г.Еден од првите предизборни собири во 2017 на г-дин Петре Шилегов како кандидат за градоначалник ги направи токму пред Универзалната сала и вети дека ќе биде меѓу првите проекти кој ќе го реализира.За жал поради неговата политичка омраза кон ВМРО-ДПМНЕ наместо да распише тендер за изградба тој порача нов проект.Беше поднесена и кривична пријава на дириректорот на Универзална сала која по неколку години беше отфрлена од судот.Во новиот проект кој е со челична конструкција не беше предвиден подземен паркинг што преставува голем недостатокНовиот проект кој го направи започна да се гради при крај на неговиот мандат.Добро е што почна да се гради, но за жал многу доцна поради политичката омраза и затоа не се реализација во неговиот мандат.Преку договор меѓу градот Скопје и министерството за култура продолжи реализацијата под капата на министерството.За жал овој пожар уште повеќе ќе ја одолговлечи реализација.Посакувам Универзалната сала да се заврши во предвидениот рок и граѓаните на градот Скопје да добијат уште еден старо- нов културен објект.Голема среќа е што нема човечки жртви.Уште еднаш ќе повторам да не беше политичката омраза и во 2017-2018 да се почнеше изградбата според проектот кој му го оставивме на градоначалникот Петре Шилегов досега ќе беше готова Универзалната сала.”, вели Коце Трајановски.

Скопје | пред 1 година

Нема фотографија

Левица: Универзалната сала - руинирана и запоставена од властите, изгоре во пожар

,, Еден од симболите на Скопје, денеска доживеа трагедија. За оваа катастрофа се заслужни властите кои со години си ја префрлаат реконструкцијата, најпрво преку екс-градоначалникот Петре Шилегов, а потоа и преку сегашната Министерка за култура, кои дозволија овој симбол на Скопје да се запушти и конечно уништи.Речиси две години во Советот на Град Скопје се водеа расправи кој да ја реконструира Универзалната сала, за конечно ингеренциите да се префрлат на Министерстрвото за култура. Уште тогаш Советниците на Левица алармираа дека според досегашното искуство, оваа власт не е неспособна за таков зафат како реконструкција на еден од симболите на Градот. На крајот Советниците на СДС и ДУИ успеаја да ги „убедат“ и советниците од ДПМНЕ да ја гласаат оваа одлука, а епилогот од оваа сложна коалиција го видовме денес.Универзалната сала, е подарок од меѓународната заедница, а првенствено Народна Република Бугарија, во знак на солидарност со справување со последиците од катастрофалниот земјотрес во 1963 година. Таа е aрхитектонскиот проект како зградата на Државниот циркус во Софија, изграден 1962 година, кој исто така подоцна изгорел во пожар, за врз него да се постави нова зграда. Дали се тоа намерите и на оваа власт, останува да видиме?Ова што се случи денес со Универзалната сала, е уште еден доказ дека власт кај неспособни и корумпирани партии е погубна за државата и народот - власта на СДС, ДУИ и ДПМНЕ нè чини многу!”, велат од Левица.

Скопје | пред 1 година

Тројца работници приведени за пожарот во Универзална: МВР со детали кои се и каде се затекнати

Денеска (09.04.2024) околу 09.45 часот во СВР Скопје е пријавено дека настанал пожар во Универзалната сала во Скопје. Веднаш по добиената пријава, на лице место се упатени полициски службеници и припадници на Бригадата за противпожарна заштита, кои околу 11.30 часот го изгаснале пожарот. Со возило на Итна медицинска помош во Клиниката за токсикологија се однесени две лица Е.С. (48) и А.Т. (41) поради вдишување на чад. Од страна на екипи на ЕВН во целата околина на салата е прекинато снабдувањето на електрична енергија, при што на ул. „Петар Поп Арсов“ во лифтовите на зградите имаше заглавени две жени, кои беа извлечени од страна на Единицата за интервентна полиција. Во врска со пожарот, во ПС ОН Центар се приведени тројца градежни работници кои изведувале работни задачи во моментот на пожарот и тоа Б.Р. (50), З.Т. (60) и Б.И. (53). Се преземаат мерки за расчистување на случајот.

Скопје | пред 1 година

Нема фотографија

Тимот на Стево Пендаровски: Мора да се спроведе соодветна истрага за уништувањето на Универзална сала

,,Кандидатот за претседател Стево Пендаровски изразува жалење за денешниот пожар што ја зафати Универзална сала во Скопје и повикува на брза реакција на надлежните институции.Мора да се спроведе соодветна истрага, да се лоцираат и да се санкционираат сите кои се одговорни за уништувањето на овој значен објект.Кандидатот Пендаровски во следниот мандат ќе се заложи во најкус можен рок да биде обновен еден од симболите на Скопје, објект врежан во колективната меморија на десетици генерации скопјани.”, велат од тимот на Стево Пендаровски.

Скопје | пред 1 година

(Видео) Гори Универзална сала

Гори Универзалната сала во центарот на СкопјеГолем чад и пламени јазици се креваат над салата.На лице место има пожарникарни возила.За причините за пожарот ќе објавиме информации од лице место.

Скопје | пред 1 година

Герасимовски: Екипите го локализираа пожарот на Универзална, апелирам да не се шират шпекулации за причините за избувнувањето

По информациите за избувнувањето на пожарот во Универзална Сала градоначалникот на Општина Центар Горан Герасимовски веднаш се упати на терен. Пожарот е локализиран и не постои опасност за другите објекти, сподели тој. Герасимовски на социјалните мрежи известува дека според првичните информации во зградата немало никој и апелира да не се шират шпекулации додека да се добијат официјални информации која е причината за настанување на пожарот.„Пожар избувна во Универзална Сала при што веднаш се упатив на терен. Во моментов екипите на противпожарната бригада го гаснат и пожарот е локализиран. Не постои опасност по другите објекти во близината. Според првичните информации немало никој во зградата. Апелирам граѓаните да го избегнуваат овој дел од градот додека трае интервенцијата. Исто така апелирам да не се шират шпекулации додека да се добијат официјални информации што е причината за пожарот“, пишува Герасимовски.

Скопје | пред 1 година

Поранешниот директор на Универзална сала вознемирен од денешниот пожар

,,Видно ме вознемири веста дека гори Универзална салаСличен објект во Бугарија изгорел за 7 минути, каква трагедија би било во случај на преполна сала. Тоа беше мојот најголем страв дека еден ден ќе се случи пожарВознемирен сум затоа што беше синоним за сите луѓе во Македонија", изјави Душко Поповски, поранешен директор на Универзална сала.

Скопје | пред 1 година

Нема фотографија

Причините за пожарот во Универзална сала се уште се непознати

Пожарот кој изби во Универзална сала е локализиран, соопшти ЦУК.Екипи на протипожарната бригада од Скопје, работат на негово целосно гаснење. По ова ќе треба да се утврдат и причините поради кои изби пожарот и ја пеплоса салата која е симбол на градот Скопје.Увидни екипи на МВР ќе влезат веднаш штом пожарникарите укажат дека е безбедно за да започне увидот.Не се знае, но не се исклучува причината за пожарот да биде човечки фактор, а сомневањата се и на старата дотрајана елктрична инсталација.

Скопје | пред 1 година

Нема фотографија

Денес ќе се гласа за предлогот Владата времено да ја превземе Универзална сала

Иницијативата на СДСМ за времено отстапување на корисничкото право на објектот на Универзална сала од Град Скопје на Владата, заради негова доизградба, конечно се најде на дневен ред на на градскиот Совет и советниците за неа треба да се изјаснат на денешната седница.Советничката група на СДСМ и коалицијата иницијативата ја поднесува поткрепена со писмото за намера кое министерката за култура Бисера Костадиновска Стојчевска го испрати до координаторите на советничките групи пред еден месец, а со кое се бара времено да се отстапи објектот до завршување на реконструкцијата.Се предлага отстапувањето на корисничкото право да биде од времен карактер, до завршување на реконструкцијата, по што Град Скопје ќе си го врати корисничкото право.За реализација на одлуката неопходна ќе биде промена на инвеститорот, од Град Скопје на Владата на РСМ, за што ќе биде потребно да се склучи посебен договор со кој ќе се регулираат правата и обврските на двете страни.

Скопје | пред 3 години

Универзална сала му исплатила десет илјади евра на Ристо Вртев, обвинува Левица

За минатогодишниот настан одржан на 26 јули, на Ристо Вртев за настапот од час и половина му биле доделени ДЕСЕТ ИЛЈАДИ ЕВРА, додека оркестарот вкупно бил платен со петнаесет илјади евра, вели Левица„Во склоп на организацијата на концерти на отворено ЈУ Универзална Сала од Град Скопје била помогната со 3 милиони денари, за само на овој настан една петтина од средствата да се искористат за најмување на пејачот на Архангел.Имено, минатогодишната тема на настанот беа токму изведбите на песните на овој македонски бенд, за што изјави задоволство и Петре Шилегов, чиј ангажман на Дино Мерлин за новогодишната прослава за 2020 година беше предмет на сомневање.Ако се земат во предвид резимеата на претходниот градоначалник Петре Шилегов, и претходниот директор на установата Филип Аврамчев - кој наследи нефункционална установа и во таа состојба ја напушти, се доведува до знак прашалник природата на ова најмување на Ристо Вртев.Негувањето на културното минато во градот е неопходно, но сомелувањето на градската помош во полза на меѓусебно наградување и договори е неприфатливо. Културните установи преку заткулисни игри за полнење на џебови, ја хендикепираат градската култура, за во иднина да немаме минато за славење.Културните дејци во градот се оставени најдоле на приоритетната листа поради ваквиот пристап кон буџетите на установите, додека граѓаните немаат програма и услови за културно надградување како што на главен град му прилега.За кадрите на коалцијата на Власт предводена од СДСМ, пристапот кон јавниот сектор е погубен по државниот буџет и развојот на сите сфери на живот на граѓаните“, обвинува Левица

Македонија | пред 3 години