Мицкоски: Како што најавив се намалија цените на горивата, очекувам дополнително снижување

Премиерот Христијан Мицкоски изјави дека очекува натамошно намалување на цените на горивата, по веќе донесените корекции на Регулаторната комисија.

— реклама —

Тој, одговарајќи на новинарски прашања, потсети дека претходно најавеното намалување веќе е реализирано, при што безоловните горива и дизелот се намалени за неколку денари по литар, дополнително со попустите што ги дава ОКТА.

„Ние ова го најавивме, се сеќавате во саботата, на прес-конференција во Владата, дека безоловните горива 95 и 98 октани ќе се намалат за 1,5 денари по литар, а дизелот за 2,5 денари“, рече Мицкоски.

— реклама —

Тој додаде дека, според движењата на берзите, постои можност цените да останат на исто ниво или дополнително да се намалат во наредниот период.

— реклама —

„Очекувам дека, од она што го следам на берзите, цените најмалку ќе останат на ова ниво, а можно е и дополнително намалување“, изјави премиерот.

Мицкоски посочи и дека Владата ќе продолжи со мерките за одржување на пониска стапка на ДДВ од 10%, наместо 18%, во зависност од движењата на светските берзи.

— реклама —

Во однос на договорите со ОКТА, тој најави дека попустите ќе продолжат до крајот на април, а се преговара и за дополнително намалување на цената на дизелот.