„Мицкоски ќе ја „држи“ цената на струјата со заем- сметката повторно ќе ја плаќаат граѓаните“, вели СДСМ

СДСМ преку соопштение обвинува дека најавениот заем од околу 33 милиони евра преку ЕСМ за набавка на батерии во Битола нема да значи поевтина електрична енергија, туку ново задолжување чиј товар, според партијата, повторно ќе падне врз граѓаните.

Од СДСМ велат дека батериите можат да придонесат за подобро управување со електричната енергија, бидејќи овозможуваат нејзино складирање и подоцнежно користење, но не ја намалуваат директно цената на електричната енергија што ја плаќаат домаќинствата.

— реклама —

Партијата посочува дека заемот претставува долг кој треба да се врати, во услови кога, како што тврдат од СДСМ, ЕСМ веќе има загуба од над 100 милиони евра, произведува помалку електрична енергија во земјата и има зголемен увоз.

— реклама —

Според СДСМ, доколку државната компанија нема средства за враќање на кредитот, обврската ќе падне врз државата, односно врз јавните средства.

„Денес велат – нема поскапување. Утре стигнува каматата. Цената не ја држат. Ја кријат во заем“, велат од СДСМ.

— реклама —

Од партијата го поврзуваат најавеното задолжување и со други случаи за кои претходно ја критикувале Владата, меѓу кои и трошоците за концертот за кој, како што наведуваат, било кажано дека чинел „нула денари“, додека Лотарија платила 5,5 милиони евра.

СДСМ смета дека наместо нови задолжувања, потребно е зголемување на домашното производство на електрична енергија и подобрување на работењето на ЕСМ.

„Нема бесплатни батерии. Има кредит. Има камата“, порачуваат од СДСМ, додавајќи дека граѓаните, според нив, ќе плаќаат и преку сметките за електрична енергија и преку враќањето на заемот.