Мицкоски: Колективниот договор е усвоен без согласност од Министерството за финансии

Премиерот Христијан Мицкоски се осврна на колективниот договор во културата и протестите на културните работници, посочувајќи дека договорот бил усвоен без позитивно мислење од Министерството за финансии.

— реклама —

Тој нагласил дека за еден колективен договор да биде применлив, неопходно е претходно да постои согласност од Министерството за финансии, што, според него, во овој случај недостасувало.

— реклама —

Во своето образложение, премиерот навел дека колективниот договор бил донесен на владина седница на 31 декември, но без такво позитивно мислење, што претставува институционален пропуст.

— реклама —

Тој оценил дека дел од културните работници се манипулирани од мала група на поистакнати учесници во протестите.

— реклама —

Исто така посочил дека во последните години буџетот за култура континуирано се зголемува, особено во делот за плати, при што укажал и на постоење разлики во висината на платите меѓу вработени во културните институции и Министерството за култура.