Мицкоски: Можно укинување на ДДВ за храна

Премиерот Христијан Мицкоски најави дека Владата размислува за нови мерки за стабилизирање на цените на храната, вклучително и можноста данокот на додадена вредност да се намали од 5 на 0 проценти за одредени сезонски производи.

— реклама —

„Мерките кои евентуално би ги презеле се за сезонските производи, кои веќе двојно ја намалија цената за една недела. Во зависност како ќе се движат, така ќе постапиме“, изјави Мицкоски.

— реклама —

Тој потенцира дека Владата веќе испратила порака до трговците да не ги зголемуваат маржите, туку да ги намалуваат, со цел да се зголеми обемот на продажба.

— реклама —

„Предупредивме дека не смеат да ги зголемуваат маржите. Волуменот ќе им се зголеми ако цените се пониски“, рече премиерот.

— реклама —

Мицкоски додаде дека кризната состојба е продолжена и оцени дека државата се справува „убедливо најдобро во регионот“, посочувајќи дека мерките со намалување на ДДВ, кои претходно биле критикувани, сега се препорачуваат и на европско ниво.