Мицкоски му купува време на Груевски, намерно се одложува барањето за враќање, вели СДСМ

СДСМ обвини дека премиерот Христијан Мицкоски изнесува неточни информации за случајот со поранешни полски функционери и, како што велат, намерно одолговлекува со барањето за екстрадиција на Никола Груевски.

— реклама —

Од партијата тврдат дека Мицкоски „повторно излажал“ кога изјавил дека полските функционери не добиле азил во Унгарија, посочувајќи дека, според нив, и поранешниот полски министер за правда и неговиот заменик Романовски добиле политички азил – едниот во 2026, а другиот во декември 2024 година.

„Очигледно Мицкоски свесно лаже за да го прикрие непостапувањето на неговата Влада“, наведуваат од СДСМ.

— реклама —

Во реакцијата се прави споредба со Полска, за која СДСМ тврди дека веднаш покренала постапки за враќање на лицата, додека во Македонија, како што велат, институциите не преземаат конкретни чекори.

— реклама —

„Во Македонија гледаме спротивна слика. Владата не прави ништо и нема поднесено барање за екстрадиција на Никола Груевски“, се додава во соопштението.

СДСМ оценува дека со ваквиот пристап, Мицкоски „му купува време“ на Груевски за да избегне соочување со правдата, изнесувајќи и тврдења дека тој разгледува други опции за престој, меѓу кои Русија и Белорусија.

— реклама —

Од партијата заклучуваат дека „доаѓа времето на вистината, правдата и одговорноста“.