СДСМ: Мицкоски бара алиби за избори преку Брвеница, вистината за Алта банка не може да се покрие со општина

СДСМ преку соопштение ја обвини власта дека се обидува да го пренасочи вниманието од случајот со Алта банка и дека наводната расправија меѓу Мицкоски и ВРЕДИ по изборниот пораз во Брвеница е само изговор за отворање пат кон предвремени парламентарни избори.

— реклама —

Од партијата тврдат дека Мицкоски бара начин да избегне одговорност за, како што наведуваат, криминал, корупција, трансфер на дрога преку границата и поврзаност со криминална организација заедно со српскиот претседател Александар Вучиќ.

— реклама —

Во соопштението СДСМ ја нарекува Алта банка „пералница за пари“ на, како што ја именува, мафијашката структура СНС-ВМРО, обвинувајќи ја власта и за лошо управување со јавните финансии. Според партијата, недостигот на средства во буџетот е показател за финансискиот хаос, а тврдат и дека средствата веќе не стигнуваат ниту за пензиите.

СДСМ оценува дека Мицкоски може да се обиде да распише предвремени избори и кампањата да ја насочи кон националистички и популистички теми, со цел да го подели општеството и да поттикне меѓуетнички тензии.

— реклама —

Во соопштението се споменуваат и Латас, поранешни структури на БИА, како и Левица и ЗНАМ, за кои СДСМ тврди дека би можеле да добијат улога во политички сценарија на власта.

— реклама —

„Граѓаните гледаат. Касата се празни. Бандата се тресе. Алибито со Брвеница не држи“, наведуваат од СДСМ.