„Мицкоски на увид во Идризово - стручњак на вистинското место за вистинската тема“, велат од СДСМ

СДСМ денеска преку соопштение реагираше на посетата на премиерот Христијан Мицкоски на Идризово, каде изврши увид во изградбата на фекална канализација, оценувајќи дека станува збор за „стручњак на вистинското место за вистинската тема“.

— реклама —

Од опозициската партија велат дека посетата доаѓа во време кога Гостивар повеќе недели се соочуваше со сериозна криза со загадена вода, при што, според нив, имало голем број заболени и последици по здравјето на граѓаните.

„Откако граѓаните во Гостивар цел месец пиеја фекалии, премиерот конечно одлучи да се занимава со фекалната инфраструктура. Само овојпат од правилната страна на цевката“, наведуваат од СДСМ.

— реклама —

Од партијата прашуваат зошто Мицкоски немал увид или посета на Гостивар во периодот кога граѓаните се соочувале со проблемот со водата, а сега има време за посета на проектот во Идризово.

— реклама —

СДСМ во реакцијата ги наведува и случаите на заболувања и смртни случаи кои ги поврзува со состојбите во Гостивар, посочувајќи ја епидемијата на жолтица, случаите на западнонилска треска и состојбата во болниците.

„Еден месец криза со загадена вода. Илјадници заболени. Епидемија на жолтица. Отруена вода во болницата. Епидемија на западнонилска треска. Двајца починати од западнонилска треска. Болниците во колапс. А премиерот? Прво на научна екскурзија. Потоа на увид на фекална канализација“, стои во реакцијата.

Од СДСМ заклучуваат дека, според нив, приоритетите на Владата се јасни.