Мицкоски најави поевтинување на основните производи: „Граѓаните беа толерантни, сега е редот на трговците“

Премиерот Христијан Мицкоски најави дека Владата ќе почне јавно да ги споредува цените на основните прехранбени производи со оние во регионот, со цел да се изврши притисок за нивно намалување.

— реклама —

Одговарајќи на прашање колкави поевтинувања очекува и кај кои производи, Мицкоски рече дека не би лицитирал со бројки, но смета дека е неопходна корекција на цените.

— реклама —

„Јас не би можел да кажам колкаво и каде најмногу, само кажувам дека основните прехранбени производи потребно е да претрпат корекција, бидејќи граѓаните беа толерантни досега. Сега е време тие да се оддолжат на граѓаните“, изјави Мицкоски.

Тој најави дека Владата ќе прави споредби на цените во земјава со оние во соседните држави и јавно ќе ги објавува резултатите.

— реклама —

„Ќе направиме споредби какви се цените во регионот, какви се цените кај нас, за некои од основните прехранбени производи и во одредени маркети, ако треба и по име и презиме. Од утре јавно ќе ги објавуваме и понатаму, оставаме на нив“, рече премиерот.

— реклама —

Изјавата доаѓа во период кога Владата води разговори со трговците и производителите околу можностите за намалување на цените на дел од основните производи.