Мицкоски: Не размислуваме за поскапување на струјата, бараме начин да ја намалиме

Премиерот Христијан Мицкоски уверува дека Владата во моментов не размислува за зголемување на цената на електричната енергија, туку работи на можности за нејзино намалување или зголемување на опфатот на евтината тарифа.

— реклама —

Мицкоски посочи дека состојбата со акумулациите е стабилна, со наполнетост од над 70 отсто, додека во нив има околу 500 гигават-часови акумулирана електрична енергија.

— реклама —

— реклама —

„Не размислуваме за зголемување на цената на електричната енергија. Напротив, правиме план како да најдеме формула да ја намалиме или барем да ја зголемиме евтината тарифа“, порача Мицкоски.

— реклама —

Според него, расположливата количина електрична енергија е доволна за граѓаните и индустријата да имаат сигурност во снабдувањето.