„Мицкоски не сака да го намали ДДВ – народот со најниски плати во Европа ќе плаќа дизел над 100 денари“, вели СДСМ

СДСМ преку соопштение обвини дека Владата предводена од Христијан Мицкоски не презема мерки за да го ублажи растот на цените на горивата, откако дизелот надмина 100 денари за литар.

— реклама —

Од опозициската партија велат дека за само шест месеци дизелот поскапел за 43 отсто, а за полн резервоар од 50 литри граѓаните сега плаќаат повеќе од 1.500 денари дополнително во споредба со пред шест месеци.

— реклама —

СДСМ критикува дека нема намалување на ДДВ или акцизата за горивата, ниту, како што велат, мерки со кои би се заштитил стандардот на граѓаните. Според нив, Мицкоски денеска јасно кажал дека Владата нема намера да го намали ДДВ за горивата.

Од СДСМ предупредуваат дека повисоките цени на горивата ќе имаат последици и врз останатите трошоци, бидејќи поскапиот транспорт и производството можат дополнително да ги зголемат цените на прехранбените производи.

— реклама —

Партијата посочува дека потрошувачката кошница е речиси 70.000 денари, додека платите, според нив, не го следат растот на животните трошоци.

„Мицкоски можеше да интервенира. Можеше да го намали ДДВ за горивата и да го ублажи ценовниот удар. Одлучи да не го направи тоа“, велат од СДСМ.