Мицкоски по средбата со Макрон: Градиме пријателства и отвораме нови можности

Премиерот Христијан Мицкоски оствари средба со францускиот претседател Емануел Макрон, на која биле разменети мислења за актуелните состојби во регионот, европските перспективи на земјата и прашањата важни за иднината на граѓаните.

— реклама —

Мицкоски средбата ја оцени како пријателска и срдечна, истакнувајќи дека Франција, како една од највлијателните држави во Европа, има значајна улога во процесите поврзани со европската интеграција на земјите од Западен Балкан.

— реклама —

„Разговаравме за регионот, за прашањата важни за иднината на нашите граѓани и за европските перспективи, теми на кои долго време работиме“, посочи Мицкоски.

— реклама —

Тој нагласи дека целта на ваквите средби е градење пријателства, отворање нови можности за соработка и обезбедување поголемо разбирање и поддршка за државните приоритети.

„Продолжуваме посветено и со јасна цел цврсто да чекориме напред“, порача премиерот по средбата со францускиот претседател.