Премиерот Христијан Мицкоски упати порака до учениците по повод почетокот на новата учебна година, посакувајќи им успех, нови знаења и пријателства.
Мицкоски особено им се обрати на првачињата, за кои, како што рече, започнува нова фаза во животот исполнета со предизвици, учење и стекнување нови искуства.
Тој посочи дека реалниот живот носи предизвици кои треба да се совладуваат со помош на семејството, пријателите и наставниците, а не да се гледа низ призма на содржините на социјалните мрежи.
„На сите ученици во основните и средните училишта низ државата им посакувам успешна учебна година, да стекнат нови знаења и тие знаења понатаму низ практика и низ работа да ги применат во сопствената татковина Македонија“, порача Мицкоски.
