„Мицкоски вели технички исправна вода во Гостивар - утре. Кој да му верува?“, велат од СДСМ

СДСМ преку соопштение обвини дека Владата нема кредибилитет кога најавува дека Гостивар утре ќе добие технички исправна вода, оценувајќи дека по признанието за задоцнета реакција во справувањето со состојбата, граѓаните имаат право да се сомневаат во институциите.

— реклама —

Од партијата посочуваат дека, според нив, вчера министерот за здравство Сашо Клековски признал дека институциите задоцниле со реакцијата, додека денес, како што велат, одговорноста се префрла на локалната власт.

— реклама —

„Утре Гостивар треба да добие технички исправна вода, што значи дека таа сè уште не е за пиење. Како да им веруваме кога алармите и црвените светла им се вклучуваат предоцна?“, прашуваат од СДСМ.

— реклама —

Во соопштението се наведува дека претседателот на Владата, Христијан Мицкоски, во минатото, според СДСМ, не ги исполнил повеќе свои ветувања поврзани со евроинтеграциите, реформите, правосудството, економските политики и други прашања, поради што, како што тврдат, ја изгубил довербата кај граѓаните.

— реклама —

Од СДСМ порачуваат дека наместо префрлање на одговорноста, потребно е да се утврди кој е виновен за состојбата со водата во Гостивар и да се преземе одговорност.