Мицкоски: Во 21 век зборуваме за елементарни работи, тоа е комично – но мора да се направат

Премиерот Христијан Мицкоски изјави дека состојбата со јавната чистота во Скопје е апсурдна и дека е неверојатно во 21 век да се зборува за теми кои би требало одамна да бидат решени.

— реклама —

„Се доведовме во ситуација во 21 век да зборуваме за елементарни работи, тоа делува и комично. Но работи кои мора да се направат, мора да се направат,“ рече Мицкоски, коментирајќи ја акцијата за чистење на градот што ја спроведува Град Скопје.

— реклама —

Тој додаде дека е свесен колку чудно звучи кога јавноста слуша изјави за „исчистени контејнери“, но дека тоа е реалноста во која се наоѓа градот.

„Навистина делува смешно, ве разбирам. И јас понекогаш би се насмеал на ова што го зборуваме, но се доведовме во ваква ситуација,“ изјави премиерот.

— реклама —

Мицкоски го пофали градоначалникот Орце Ѓорѓиевски за тоа што, како што рече, „во рекордно време ги мобилизирал сите капацитети“, како и општествено одговорните компании што се вклучиле во акцијата за чистење.

— реклама —

„Ако ништо друго, можевме да видиме дека контејнерите се чисти и празни,“ додаде тој со иронија, нагласувајќи дека тоа е само почеток на потребните промени.