Мицкоски: Во јули и август имаме ниво на годишна инфлација коешто е под нивото на Европската Унија

Премиерот Христијан Мицкоски денеска изјави дека Македонија втор месец по ред бележи годишна инфлација пониска од онаа во Европската Унија, посочувајќи ги податоците за јули и август.

— реклама —

„Во јули беше 2,3 отсто, додека во Европската Унија беше 2,9 отсто. Во август беше 2,6 отсто, а на ниво на Европската Унија е 3,3 отсто“, рече Мицкоски, одговарајќи на новинарско прашање.

— реклама —

Тој направи споредба со периодот пред четири години, кога, како што рече, инфлацијата во Македонија достигнувала двоцифрени нивоа од 16, 17 и 18 отсто.

— реклама —

Мицкоски оцени дека податоците покажуваат оти со соодветни политики може да се постигнат подобри резултати и порача дека граѓаните треба да имаат доверба во сопствените можности.

— реклама —

Во продолжение тој се осврна и на политичките критики од опозицијата, повторувајќи ја својата оценка дека дел од оние кои го критикуваат се препознале во неговата претходна употреба на терминот „талог“.