Мицкоски за 27 април: Станува збор за политички монтиран случај од страна на претходната влада

Премиерот Христијан Мицкоски денеска изврши увид во градежните активности за реконструкција на Универзалната сала во Скопје, при што на прес конференцијата беше прашан да го коментира случајот „27 април“ и последните одлуки на Апелациониот суд.

— реклама —

Мицкоски оцени дека станува збор за политички монтиран процес од страна на претходната власт, нагласувајќи дека, според негово мислење, дел од осудените биле неправедно квалификувани како терористи.

— реклама —

„Станува збор за политички монтиран случај од страна на претходната влада. Според мене, таму невини луѓе беа прогласени за терористи. Имаше одреден престап и за тој престап требаше да се одговара, но не со таква квалификација“, изјави премиерот.

— реклама —

Тој на прес конференцијата додаде дека во јавноста сè почесто се појавуваат сведоштва од обвинители и судии за наводни притисоци, уцени и фингирани судски процеси.

— реклама —

„Како држава не можеме да одиме напред ако не добиеме одговор на две клучни прашања – како Катица Јанева и СЈО постапувале кон граѓаните и која е вистината за настаните од 27 април. Сè останато е работа на правосудството“, нагласи Мицкоски.