Мицкоски за писмата на Филипче до ЕУ: „Секој има право да пишува, но моите чувства се сè посилни дека ќе има прогон на поранешни премиери“

Премиерот Христијан Мицкоски денеска реагираше на информациите дека лидерот на СДСМ, Венко Филипче, испратил писма до сите релевантни институции на Европската Унија во Брисел.

— реклама —

Мицкоски оцени дека секој има право да се обраќа и да испраќа писма до меѓународни адреси, но додаде дека неговиот став за ваквите потези останува непроменет.

— реклама —

„Добро, секој има право да си се допишува и да си праќа писма, но моите чувства се сè посилни“, изјави Мицкоски.

— реклама —

Премиерот Христијан Мицкоски претходно изјави дека очекува набргу да започнат судски процеси против поранешни високи функционери од претходната власт предводена од СДСМ.

— реклама —

„Имам чувство дека набргу високи функционери од претходната влада на СДСМ, поранешни премиери, претседатели на влада, нивни блиски од семејствата, ќе бидат опфатени во одредени прогони. Имам чувство, не велам дека имам информација, имам чувство“, изјави Мицкоски, одговарајќи на новинарски прашања.