Мицкоски: Започна со работа првиот модерен трговски центар „Mega Shopping Park“ во Гевгелија

Премиерот Христијан Мицкоски денеска присуствуваше на отворањето на нов шопинг-центар во Гевгелија, оценувајќи дека инвестицијата претставува значајна додадена вредност за локалната економија и за развојот на регионот.

— реклама —

Во своето обраќање, Мицкоски истакна дека објектот има потенцијал да стане атрактивна дестинација за домашните и странските патници кои транзитираат низ земјава по Коридорот 10.

„Очекувам ова место да прерасне во точка што ќе ја посетуваат сите оние кои минуваат низ Македонија. Содржините што ги нуди се навистина импресивни, а дополнително се планира отворање на нови продажни места“, рече премиерот.

— реклама —

Тој нагласи дека близината до еден од најфреквентните сообраќајни правци во регионот претставува голема предност и можност за привлекување посетители.

— реклама —

Мицкоски упати благодарност до градоначалникот на Гевгелија за поддршката во реализацијата на проектот, како и до инвеститорот за вложувањето, оценувајќи дека развојот на приватниот сектор придонесува за зајакнување на државната економија.

„Колку повеќе расте и вреди вашиот бизнис, толку државата станува посилна. Тоа е двонасочна улица“, истакна премиерот.

— реклама —

Тој изрази уверување дека новиот шопинг-центар ќе придонесе за економски придобивки за Гевгелија и ќе понуди нови можности за посетителите и туристите кои минуваат низ овој дел од земјата.