„Министерката за финансии прво повикува на средба, а потоа бега, велат од СДСМ

СДСМ преку соопштение ја обвини министерката за финансии дека прво повикала на средба со опозицијата, а потоа не се појавила на расправата во Собранието.

— реклама —

Од партијата велат дека веднаш ја прифатиле поканата за средба, но дека министерката не дошла откако било побарано разговорот да биде јавен и пред камери.

— реклама —

„Прво повикува, а потоа бега“, наведуваат од СДСМ, додавајќи дека јавноста заслужува одговори за новите задолжувања на државата.

Од опозициската партија посочуваат дека барале објаснување за, како што тврдат, новите 2,5 милијарди евра долг во изминатите две години, како и за зголемувањето на јавниот долг на 11,3 милијарди евра.

— реклама —

Во соопштението, СДСМ обвинува дека власта избегнува јавна дебата кога треба да одговара со конкретни факти и бројки.

— реклама —

„Граѓаните заслужуваат вистина, а не алиби и театар“, наведуваат од партијата.