Утринава најстудено е на Попова Шапка и во Демир Капија, каде се измерени -3 степени, додека -2 степени се регистрирани во Берово. Температурата се движи од 0 степени во Маврови Анови и Лазарополе, до 6 степени во Гевгелија, која е најтопла во земјава.
Во изминатите 24 часа најмногу врнежи се измерени во Крушево и на Попова Шапка – по 6 литри на метар квадратен, додека во Тетово, Пожаране и Маврови Анови се измерени по 5 литри. Помали врнежи има во Охрид, Лазарополе, Прилеп и Скопје.
Снежната покривка утринава изнесува 55 сантиметри на Попова Шапка.
